Stefnir í líflegt veiðisumar í Elliðaánum 2015

Gríðarlegur fjöldi sumargamalla laxaseiða í vatnakerfi Elliðaánna vekur upp vonir um mjög sterkan gönguseiðastofn í ánum á næsta ári þegar megnið af þeim gengur í sjó. Ef skilyrði til uppvaxtar seiðanna verður þeim hliðholl fram að sjógöngu og afrán á þeim í ánum ekki umfram venju gæti veiðisumarið árið 2015 orðið líflegt og það í meira í lagi. Þetta kemur fram rannsókn Jóhannesar Sturlugssonar hjá Laxfiskum og fjallað er um á vef Stangveiðifélags Reykjavíkur.

Á heimasíðu SVFR er fjallað um seiðabúskap í Elliðaánum. Þar kemur fram að seiðabúskapur í vatnakerfi ánna hafi verið einstaklega góður síðastliðið haust. Fjöldi sumargamalla laxaseiða í ánum hafi verið meiri en nokkru sinni frá því að seiðarannsóknir hófust. Þéttaleiki hafi verið sjöfaldur miðað við meðaltal 27 viðmiðunarára og helmingi meir en mest hefur orðið á þessum árum.

Umfjöllun á heimasíðu SVFR má finna hér en skýrslu Jóhannesar má finna hér.