Mörg umboð frumsýna bíla á bílasýningunni í Fífunni.

Óvenju margir bílar munu sjást í fyrsta sinn á stóru bílasýningunni.

BL mun frumsýna Nissan Leaf rafbílinn, en eintakið sem ber fyrir augu á sýningunni var einnig til sýnis á bílasýningunni i Genf fyrir skömmu. Askja frumsýnir nýjan KIA Carens, auk þess sem Mercedes Benz A-Class verður sýndur í AMG útfærslu, sem er nýjung hér á landi. 

Bílabúð  Benna frumsýnir nýjan sportjeppling, Chevorlet Trax og Chevrolet Cruze í station útfærslu, sem og nýja útgáfu af Cruze í LT útgáfu. Þá er einnig sýndur sportbíll heimsins 2013 Porsche Cayman S, en hann var frumsýndur hjá Bílabúð Benna síðastliðinn laugardag. Suzuki umboðið mun frumsýna Suzuki Swift í sportútgáfu.

Hekla mun frumsýna nýjan Audi A3 sportback auk þess sem fjölmargar tegundir frá Volkswagen verða sýndar í R-line útfærslu sem er sportútgáfa þeirra. Einnig verður sýndur í fyrsta sinn hér á landi Volkswagen Polo GTI.  Þá er Hekla einnig að frumsýna þessa dagana nýjan Skoda Octavia og mun hann sjást á sýningunni. Bernhard mun frumsýna mótorhjólalínuna frá Honda, sem og frumsýna nýjan Honda Civic í dieselútgáfu.

Þetta er bara brot af þeim bílum sem sjást munu á sýningunni og einstakt tækifæri til að sjá allt það flottast, sem og hagkvæmasta sem bílakaupendum býðst nú á einum stað.