Nokkrir nýir frá Benna í Fífunni

Chevrolet Trax jepplingur og Chevrolet Cruze station frumsýndir.

“Við erum sérlega stolt af framlagi okkar til sýningarinnar Allt á hjólum, að þessu sinni”, segir Benedikt Eyjólfsson, forstjóri Bílabúðar Benna,. “Breiddin í Chevrolet vörumerkinu hjá okkur hefur aldrei verið meiri og að þessu sinni frumsýnum við tvo nýja bíla frá þeim, smájeppann Trax og Cruze station, hvoru tveggja bíla sem hafa vakið mikla athygli.

Auk þess erum við að kynna sérstaklega Cruze LT, sem á eftir að koma viðskiptavinum skemmtilega á óvart fyrir ríkulegan staðalbúnað og ótrúlegt verð. Chevrolet er í sókn um allan heim og kaupendum stendur því til boða fleiri valkostir, glæsilegri línur og umhverfisvænni lausnir en nokkru sinni fyrr, - og það á mjög viðráðanlegu verði.“

Bílabúð Benna mun einnig sýna rjómann af snilldinni frá Porsche í Fífunni: Porsche Cayman sem var valinn Sportbíll heimsins 2013, 911 C4S Cabrio blæjubílinn og  Cayenne Diesel jeppann.  “Við hlökkum því til að fá fólk til okkar í Fífuna um helgina og vekjum líka athygli á því að Chevrolet salurinn í Tangarhöfða verður eftir sem áður opinn á laugardaginn, frá 12:00 til 16:00, fyrir þá sem vilja koma, skoða  og reynsluaka.”