Creed valin versta hljómsveit tíunda áratugarins

Lesendur tónlistartímaritsins Rolling Stone völdu á dögunum tíu verstu hljómsveitir 10. áratugarins og hafa niðurstöðurnar verið birtar.

Það kennir ýmissa grasa á listanum, en léttpoppsveitir á borð við Hanson og Ace of Base er þar að finna. Athygli vekur að í fimmta sæti er hljómsveitin Nirvana, og ganga blaðamenn Rolling Stone svo langt að rengja lesendur: „Okkur þykir það leitt, en allir sem kusu Nirvana í þessari könnun hafa rangt fyrir sér.“

En það er kristilega rokksveitin Creed sem trónir á toppi listans sem allra versta hljómsveit tíunda áratugarins. Samkvæmt fréttinni vann sveitin sannfærandi sigur í lesendakönnuninni og engin önnur sveit komst nálægt henni í óvinsældum.

Tíu verstu hljómsveitir 10. áratugarins að mati lesenda Rolling Stone:

1. Creed

2. Nickelback

3. Limp Bizkit

4. Hanson

5. Nirvana

6. Hootie and the Blowfish

7. Bush

8. Spin Doctors

9. Ace of Base

10. Dave Matthews Band