Spegilbjartur lax í Damminum

Lax er genginn í Blöndu. Þetta kemur fram í skeyti frá Höskuldi Birki Erlingssyni, leiðsögumanni við ánna.

Höskuldur kveðst hafa fylgst með síðustu daga hvort lax sé kominn í Blöndu.

"Skilyrðin til að sjá laxinn hafa verið erfið, mikið vatn og litað.  En nú

brá svo við að nú fyrr í dag er ég var á "útkikkinu" þá reisti sig lax í

veiðistaðnum Damminum," skrifar Höskuldur sem áætlar að um sé að ræða nýgenginn 12 til 14 punda lax sem hafi verið spegilbjartur og fallegur.

"Nú má sumarið fara að koma," segir Hökskuldur sem tók meðfylgjandi mynd fyrr í dag af Damminum og neðri hluta veiðisvæðis 1 í Blöndu. Á því svæði hefst sumarveiðin á miðvikudag. Veiðin byrjar hins vegar 20. júní á efri svæðunum þremur.