Brown ætlað að fylla í skarð Marlow

Kieraah L. Marlow mun ekki leika með Snæfell á næstu leiktíð en hún hefur fengið tilboð frá liði hér á landi og einnig frá Þýskalandi og Finnlandi.

Í stað Marlow eru Hólmarar búnir að ráða til sín Chynna Brown sem lék með Texas Tech háskólanum, sama skóla og Jordan Murphree lék með en hún lék með Snæfell eftir áramót leiktímabilið 2011-2012.

 

Chynna Brown, sem er 173 cm á hæð, var tímabilið 2011-2012 valin besti sjötti leikmaðurinn í Big 12 deildinni. Hún skoraði 8,7 stig, tók 4,5 fráköst og gaf 1,6 stoðsendingu að meðaltali í leik.

Í ár var hún lykilleikmaður í Texas Tech háskólanum þar sem hún skoraði 13,4 stig í leik, tók 5,4 fráköst og gaf 1,4 stoðsendingu.  

Skotnýting Brown var góð og er hún talin fjölhæfur leikmaður. Von er á Chynnu í september þegar að pappírsvinnan er öll að baki og allt á tæru.

Nánar á heimasíðu Snæfells.