McCartney með textamyndband

Sir Paul McCartney hefur sent frá sér textamyndband við lagið New, sem er fyrsta smáskífulagið af samefndri plötu Bítilsins fyrrverandi.

Mark Ronson, sem hefur unnið með Amy Winehouse, stjórnaði upptökum lagsins.

Aðrir upptökustjórar á þessari væntanlegu plötu eru Paul Epworth og Ethan Johns, sem hefur unnið með Kings of Leon og Laura Marling. Samstarfsmaður McCartney til margra ára, Giles Martin, er einnig á meðal upptökustjóra.

Síðasta hljóðversplata McCartney, Kisses On The Bottom, kom út í febrúar í fyrra.