Rómantík hjá Írisi Björk og Chris Pine

Bandaríski leikarinn og hjartaknúsarinn Chris Pine vakti athygli vegfarenda í París á dögunum þar sem hann var í för með óþekktri stúlku.

Á aðdáendasíðu Pine velta notendur vöngum yfir því hver hin dularfulla stúlka sé, en hún er engin önnur en Íris Björk Jóhannesdóttir. Íris er 23 ára og bar sigur úr býtum í keppninni Ungfrú Reykjavík árið 2010. Vel fór á með þeim Írisi og Pine en þau eru bæði búsett í Lundúnum.

Pine er líklega þekktastur fyrir að leika sjálfan Kaftein Kirk í kvikmyndunum Star Trek og Star Trek: Into Darkness, en einnig hefur hann leikið í myndum á borð við This Means War og Unstoppable.