Öruggur sigur Guðmundar í Úkraínu

Rhein-Neckar Löwen er í góðri stöðu í A-riðli Meistaradeildar Evrópu eftir sigur á Zaporozhye í Úkraínu í dag, 32-26.

Þýsku ljónin voru með þægilega forystu stærstan hluta leiksins en staðan í hálfleik var 15-10, Löwen í vil.

Guðmundur Guðmundsson er þjálfari liðsins og Alexander Petersson var á sínum stað í liðinu í dag.

Löwen er með ellefu stig að loknum sjö leikjum og er einu stigi á eftir toppliði Veszprem sem á leik til góða. Fjögur efstu liðin komast áfram í 16-liða úrslitin og Löwen svo gott sem búið að tryggja sig áfram.