Forsmekkur fyrir haustið

Fjöldi hönnuða er farinn að hanna millilínur á milli hinna hefðbundnu vor- og haustlína. Pre-fall-línurnar, sem eru forlínur fyrir haustið, hafa verið að birtast á netinu hægt og rólega síðustu daga. Líkt og venja er þykja þær misgóðar en lína Phillips Lim þykir með eindæmum vel heppnuð. Margar línurnar eiga það sameiginlegt að minna svolítið á stílinn sem einkenndi tíunda áratug síðustu aldar og auðsætt er að víðar og þægilegar flíkur verða áfram í tísku.