Kynna Airwaves í París

Spilerí í París

Hljómsveitirnar Ghostigital og Epic Rain spila í París 31. janúar á tónlistarviðburði sem tengist Iceland Airwaves-hátíðinni. Einnig kemur fram franska hljómsveitin Mein Sohn William. Bæði Ghostigital og Epic Rain gáfu út nýjar plötur í fyrra og munu vafalítið spila lög af þeim á tónleikunum. Hér fyrir ofan má sjá Ghostitigal flytja lagið Don't Push Me á Airwaves-hátíðinni nú i nóvember. Þeir eru liður í að kynna Airwaves á erlendri grundu. Hátíðin verður haldin 30. október til 3. nóvember og má fastlega búast við því að miðarnir seljist fljótt upp eins og á undanförnum árum.