Gerir bíómynd um líf sitt

Rapparinn Kanye West vinnur nú að bíómynd með Bret Easton Ellis, höfundi bókarinnar American Psycho. Myndin er byggð á plötu Kanye, Yeezus.

„Platan fjallar eiginlega eingöngu um líf Kanye,“ segir ónefndur vinur rapparans.

Kanye mun ekki leika sjálfur í myndinni en unnusta hans, Kim Kardashian, mun leika einn karakter. 

Myndin er tileinkuð látinni móður Kanye, Dondu West, sem lést árið 2007. Handritið er enn í vinnslu og óljóst er hvenær myndin lítur dagsins ljós.