Vilja meika það erlendis sem tónlistarmenn

Fyrsti undanúrslitaþátturinn af Ísland Got Talent verður sýndur í opinni dagskrá á Stöð 2 á sunnudagskvöldið. Sjö atriði af ýmsum toga keppa um atkvæði þjóðarinnar til að eiga möguleika á að komast í úrslitaþáttinn og vinna tíu milljónir króna. 

Arnar og Agnes stíga á sviðið og syngja, spila á gítar og fiðlu á sunnudagskvöldið. Við kynntumst þeim aðeins betur.

Fullt nafn: Arnar Logi Hákonarson og Agnes Sólmundsdóttir

Aldur: 18 og 16 ára

Símanúmer til að kjósa þau í Ísland Got Talent: 900-9501

Af hverju á fólk að kjósa ykkur?

Okkur finnst virkilega gaman að spila og koma fram. Við getum nýtt hæfileika okkar vel og við teljum okkur hafa það sem þarf til að komast áfram.

Hver er draumurinn?

Að meika það sem tónlistarmenn, jafnvel utanlands, og vinna í kringum tónlist í framtíðinni.

Uppáhaldslistamaður?

Matt Corby, Mumford and Sons og fleiri.