Frábær veðurspá fyrsta veiðidaginn

Það var pínu kvíði farinn að setjast í hjörtu veiðimanna síðustu daga þegar það hefur gengið á með úrhellisrigningu og roki og útlitið fyrir veiðiveður fyrsta veiðidaginn ekki gott.

Nú hefur heldur betur ræst úr veðurspánni og það er spáð hlýnandi veðri, hæglætis golu og heldur björtum degi 1. apríl en þá opna nokkur veiðisvæði fyrir veiðimenn.  Hitinn gæti jafnvel dottið upp í 8-10 gráður þegar best lætur og það getur komið fiskinum af stað.  Eitthvað er laust af leyfum opnunarvikuna en það má þó reikna með að það komi kippur í bókanir þegar það liggur fyrir að verðið verði gott.  Spennandi svæði væru t.d. Brúará, Eldvatn, Minnivallalækur, Sogið, Varmá og svo má auðvitað reikna með veiðimönnum við þau vötn sem opna á sama tíma.  Fyrir norðan verður líklega ekki jafn veiðilegt og á suður- og vesturlandi að Skagafirði undanskildum.  Það verður svo spennandi að heyra veiðifréttir eftir þennan fyrsta dag en við hvetjum ykkur veiðimenn til að senda meil á kalli@365.is með veiðimynd og frásögn af ykkar fyrsta veiðidegi.