Aron getur spilað um helgina

Þýskir fjölmiðlar greina frá því að meiðsli Arons Pálmarssonar séu ekki eins alvarleg og óttast var í fyrstu.

Aron meiddist í leik Kiel gegn Flensburg um helgina og var óttast að um slæm ökklameiðsli væri að ræða. Ómskoðun hefur hins vegar leitt í ljós að öll liðbönd eru heil og getur Aron því spilað á ný um helgina.

Kiel mætir Lübbecke um helgina en liðið er í öðru sæti þýsku úrvalsdeildarinnar með jafn mörg stig og topplið Rhein-Neckar Löwen. Síðarnefnda liðið er þó með betra markahlutfall.