Kim Laursen, barnsfaðir Hjördísar Svan Aðalheiðardóttur, hefur farið fram á tvær milljónir í skaðabætur frá Hjördísi eftir áralanga forræðisdeilu vegna þriggja dætra þeirra. Þetta kemur fram í danska netmiðlinum Metroexpress.
Kim Gram Laursen fer með forsjá þeirra samkvæmt úrskurði þarlendra yfirvalda og búa börnin því hjá honum. Hjördís og Kim hafa átt í áralangri forsjárdeilu og danskur dómstóll dæmdir Kim fulla forsjá í september 2012.
Hjördís hafði við börnin umgengisrétt en virti ekki að skila þeim aftur til föður í ágúst á síðasta ári.
Þess í stað flaug hún með börnin til Noregs þar sem hún fór huldu höfði hjá íslenskum presti í um tvær vikur áður en hún kom hingað til lands.
Hjördís hefur verið í gæsluvarðhaldi í Danmörku síðan í febrúar en málið er nú fyrir rétti í Kolding.
„Þetta hefur verið hræðileg lífsreynsla og sérstaklega þegar maður var slitinn frá börnunum mínum,“ mun Kim hafa sagt í réttahöldunum ef marka má frétt Metroxpress.
Fram kemur í fréttinni að vinkona Hjördísar hafi borið vitni fyrir rétti um að yngsta dóttirin hafi greint frá því að faðir hennar hafi reynt að stinga fingri inn í leggöng hennar.
Að sögn Metroxpress lýkur réttarhöldunum á þriðjudag.
Atlético Madrid
Barcelona
