Fjölmenni á kvennakvöldi í Reykjanesbæ

Gleðin var allsráðandi á kvennakvöldi XD kvenna í Reykjanesbæ síðastliðinn föstudag. Söngkonan vinsæla Védís Hervör söng nokkur lög við undirleik eiginmanns síns, Þórhalls Bergmann.

Ungir upprennandi tónlistarmenn héldu uppi góðri stemningu á þessum skemmtilega viðburði. Þá kom söngkonan Ísold Vilberg fram, en hún er dóttir listakonunnar Línu Rutar Vilberg, sem var einnig á staðnum. Kristín Jóna Hilmarsdóttir, snyrtifræðingur, var veislustjóri kvöldsins. Og kynnti hún jafnframt Blue Lagoon snyrtivörur.

Hildur á Salon Veh kynnti skemmtilega nýjung, lit sem hægt er að bera í hárið á milli þess sem farið er í lit á stofu. Jenný Rúnarsdóttir á Kef Restaurant sá um veitingar sem voru litríkar og fallegar í anda kvöldsins.

Smelltu á efstu mynd í frétt til að skoða albúmið í heild sinni.