Sætar stelpur kúka líka

Hljómsveitin Hljómsveitt var að gefa frá sér nýtt lag og myndband, lagið heitir OOooog ég kúka…



Hljómsveitin samanstendur af systrunum Katrínu Helgu og Önnu Töru Andrésardætrum. Myndbandið er einstaklega vandað og greinilegt að það hefur verið lögð mikil vinna í það. Þær segja hugmyndina að myndbandinu hafa komið til frá æðra þroskastigi.

Þær hófust strax handa og það tók þær svolítinn tíma að hitta akkúrat á það „lúkk“ sem þær voru að sækjast eftir. Það tók um sex vikur að taka myndbandið upp og klippa það. Pródúser er Damien Rice, leikstjóri er Baltasar Kormákur og Versace hannaði búningana. 

Aðspurðar að því hvert þær hafi sótt innblásturinn segja þær hann hafa sprett af eigin reynslu og að þær bindi miklar væntingar við þetta lag. Þær segja næsta skref vera að þýða lagið yfir á ensku og reyna að meika það í útlöndum.