Þjáistu af járnskorti?

Járn er lífsnauðsynlegt næringarefni sem að kemur meðal annars að framleiðslu hemóglóbína, sem eru prótínsameindir sem svo aftur hjálpa rauðu blóðkornunum að flytja súrefni um líkamann.

Járnskortur er einn algengasti næringarskorturinn í heiminum í dag og því ekki ólíklegt að þú hafir upplifað hann á einhverjum tímapunkti í þínu lífi. Afleiðingar járnskorts geta verið alvarlegar ef að ekkert er að gert að og því mikilvægt að vera meðvitaður um einkenni skortsins.

Algengasta einkenni járnskorts er þreyta en það getur stundum verið erfitt að tengja hana beint við járnskort þar sem að ýmis önnur einkenni þurfa að fylgja. Ef að þú finnur fyrir ofþreytu daglega í langan tíma ásamt því að finna fyrir fleiri einkennum á listanum sem að á eftir kemur er líklegt að þú þjáist af járnskorti.

Miklar tíðarblæðingar geta valdið járnskorti og því mikilvægt fyrir þær konur sem að upplifa miklar blæðingar að borða fæðu sem inniheldur járn eða taka inn járntöflur í kringum þetta tímabil.

Fölur húðlitur getur verið eitt af einkennunum járnskorts. Hemóglóbínin gefa blóðinu rauða litinn og þar af leiðandi húðinni ferskan blæ. Skortur á þessum prótínum gerir húðina föla og líflausa.

Þú færð á tilfinninguna að þú sért ekki að fá nægjanlegt súrefni í líkamann og þolið er minna.

Óútskýranlegur kvíði getur verið eitt af einkennum járnskorts. Skortur á súrefni í líkamanum getur komið taugakerfinu í ójafnvægi. Kvíði getur því verið nokkurskonar kall taugakerfisins á viðbrögð.

Alvarlegur járnskortur getur framkallað hárlos. Það er þó innan eðlilegs ramma að missa allt að 100 hár á dag.

Á vef doktor.is er hægt að finna meira um járn og meðhöndlun við járnskorti