Freyr: Viljum byrja undirbúninginn fyrir EM 2017

„Markmiðið er fyrst og fremst að vinna þessa tvo leiki, fá góða frammistöðu og reyna að halda áfram að bæta leik liðsins,“ sagði landsliðsþjálfarinn Freyr Alexandersson á blaðamannafundi í höfuðstöðvum KSÍ í dag þegar hópurinn fyrir landsleikina gegn Ísrael og Serbíu var tilkynntur.

„Á sama tíma viljum við skoða leikmenn sem hafa spilað minna, eða jafnvel ekki neitt, á árinu.

„Þetta er tvíþætt: að klára undankeppni HM 2015 með sæmd og hefja undirbúning fyrir EM 2017,“ sagði Freyr, en nánar verður rætt við hann í Fréttablaðinu á morgun.