Veiði lokið í ánum við Ísafjarðardjúp

Veiði er lokið í ánum við Ísafjarðardjúp á þessu ári og lokatölur þar eru í takt við annað sem hefur verið í gangi í laxveiðinni á þessu ári.

Það hefur alveg vatnað smálaxinn í árnar í djúpinu á þessu ári og það sést vel á lokatölunum.  Í heildina er veiðin aðeins um þriðjungur á við sumarið 2013 en það er kannski ósanngjarn samanburður enda var það metsumar í flestum veiðibókum.  Samkvæmt leigutakanum Lax-Á voru loktölur í Langadalsá 158 laxar í þar veiddust 457 laxar í fyrra en veiðin hefur ekki verið lakari síðan 2003 en þá veiddust 150 laxar.  Í Hvannadalsá veiddust 68 laxar en þetta er líklega ein lélegasta skráða veiði í ánni.  Lokatölur eru ekki komnar í Laugardalsá en í henni veiddust 404 laxar í fyrra og það verður áhugavert að sjá hvort niðursveiflan í henni er sambærileg öðrum ám á svæðinu.