Tónlistarmaðurinn Jón Jónsson var gestur Ívars Guðmundssonar á Bylgjunni í dag og talaði um nýja lagið sitt, Gefðu allt sem þú átt.
Lagið er fyrsta lagið sem heyrist af nýrri plötu Jóns sem kemur út fyrir jól. Jón syngur öll lögin á plötunni á íslensku sem hann hefur ekki verið þekktur fyrir hingað til.
Jón gaf út plötuna Wait For Fate árið 2011 og söng þá eingöngu á ensku. Eins og heyra má hér fyrir ofan hitti hann Bubba Morthens þegar fyrsta lagið kom út af plötunni og Bubba fannst ekki mikið til þess koma að íslenskur tónlistarmaður væri að syngja á ensku. Jón segist ekki hafa hlustað á hann þá en ákvað nú að gefa út tónlist á íslensku. Bubbi er mjög sáttur með það og sendi Jóni kveðju á Facebook í vikunni sem var svo hljóðandi:
„Vinur minn til hamingju með væntanlega plötu og til hamingjum með því að singja á íslensku.“
Hlustaðu á nýja lagið hans Jóns hér:
