Þættirnir Mad About You endurgerðir í Kína

Framleiðslufyrirtækið Huaso Film/TV Digital Production hefur samið við Croton Media um að framleiða kínverska útgáfu af gamanþættinum Mad About You sem frumsýndur var vestan hafs árið 1992.

Sjö þáttaraðir voru gerðar af Mad About You í Bandaríkjunum og naut þátturinn gríðarlegra vinsælda og vann bæði til Emmy- og Golden Globe-verðlauna. Aðalhlutverk í þáttunum léku Helen Hunt og Paul Reiser. 

Samkvæmt tilkynningu um kínversku endurgerðina er leit hafin að leikurum og byrjar framleiðsla þáttanna snemma á næsta ári.