Hversdagsvandamál Íslendinga Ásdís sigmundsdóttir skrifar 22. nóvember 2014 14:30 Bara ef ... Bækur: Bara ef… Jónína Leósdóttir Mál og menning Bara ef… er nýjasta skáldsaga Jónínu Leósdóttur. Bókin fjallar um venjulegt fólk sem á í grunninn við frekar hversdagsleg vandamál að stríða. Frásögnin er án flókinna stílbragða og orðfærið hversdagslegt og það ásamt nokkrum tölvupóstum milli persónanna eykur á þá tilfinningu að sagan sé innsýn í líf fólks sem sé kannski aðeins ýkt en samt nokkurn veginn eins og ég og þú. Sagan er fjölskyldusaga en sjónum er einkum beint að tveimur pörum: Ragnari, sem er vel stæður miðaldra tannlæknir, og Margréti eiginkonu hans, og Eygló dóttur þeirra og Örvari sambýlismanni hennar. Eldra parið er hjón til fjölda ára sem er að takast á við það að samband þeirra sé orðið að vana og persónueinkenni sem áður var hægt að líta fram hjá eru farin að skyggja á kosti hins aðilans. Yngra parið er að takast á við það að væntingar þeirra til sambandsins eru ekki alveg þær sömu auk skorts á heiðarleika hvors í annars garð. Persónurnar eru að mörgu leyti óttalega staðlaðar. Lífhræddi dellukarlinn og konan með heilsu- og hreinlætisáráttuna, sterka, sjálfstæða og sjálfhverfa konan og góði og meðvirki maðurinn sem þarfnast hennar. Sérstaklega eru Ragnar og Margrét persónur sem maður heyrir oft að séu dæmigerðir Íslendingar. Hann þeysist úr einu stórhuga en óraunhæfa verkefninu í annað en hún er með heilsu á heilanum og ætlar í lokin að græða á ferðamönnum. Ef ætlunin er hins vegar að bókin sé gagnrýni á íslenskt samfélag eða dellurnar sem tröllríða því þá einhvern veginn tekst það ekki nógu vel – mögulega vegna þess að háðið er of fyrirsjáanlegt. Vandamálin sem fjölskyldan þarf að takast á við eru margvísleg og raunsæ. Flest þeirra eru sjálfskaparvíti (eins og svo oft er í raunveruleikanum) sem vekja enga sérstaka samúð en undantekningin er þó aðstaða Örvars, sambýlismanns Eyglóar. Hann er á milli steins og sleggju án þess að við hann sé að sakast og viðbrögð hans og angist eru sannfærandi. Í lok bókar hefur einni krísu verið afstýrt en fjölda annarra ekki og enn aðrar virðast í uppsiglingu. Þannig er jú lífið, og þó að það sé ekki sérlega fullnægjandi endir, þá er hann trúverðugur út frá forsendum bókarinnar. Texti Jóhönnu er lipur og hún kann að segja sögur en einhvern veginn snerti sagan mig þó ekkert sérlega mikið. Þetta er áreynslulaus lesning sem heldur manni ágætlega við efnið en er hvorki sérstaklega spennandi né eftirminnileg. Niðurstaða: Ágæt afþreying en skilur ekki mikið eftir. Gagnrýni Mest lesið Skapandi sumarstarf varð að þætti á laugardagskvöldum á RÚV Bíó og sjónvarp Sonur Rögnu og Árna fæddur Lífið Krakkatían: Leikhópurinn Lotta, fótboltamót og sumarsólstöður Lífið Næsti Bond undir þrítugu og þrír efstir á blaði Bíó og sjónvarp Einn með fyrsta vinning og vann tæpar 54 milljónir Lífið Lilja Sif Pétursdóttir krýnd Miss Supranational Europe og talin myndfríðust Lífið Rúrik mætti með kærustuna í brúðkaupið Lífið Áslaug selur glæsiíbúð í Reykjavík Lífið Súrrealísk upplifun í prinsessuleik í Versölum Lífið Fréttatía vikunnar: Leiðtogafundur, Hollywood-stjarna og umdeilt brúðkaup Lífið Fleiri fréttir Neistalaus trekantur leiðinlega fólksins Er Stalín listgagnrýnandi í Hörpu núna? Wardruna í vanda – þegar dulúðin náði ekki flugi Tom Cruise hrasar á síðasta snúning Messan sem var ekki tímamótaverk – en mig langaði samt til að gráta KK og Sinfó: Clint Eastwood mætti í Eldborg Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Sjá meira
Bækur: Bara ef… Jónína Leósdóttir Mál og menning Bara ef… er nýjasta skáldsaga Jónínu Leósdóttur. Bókin fjallar um venjulegt fólk sem á í grunninn við frekar hversdagsleg vandamál að stríða. Frásögnin er án flókinna stílbragða og orðfærið hversdagslegt og það ásamt nokkrum tölvupóstum milli persónanna eykur á þá tilfinningu að sagan sé innsýn í líf fólks sem sé kannski aðeins ýkt en samt nokkurn veginn eins og ég og þú. Sagan er fjölskyldusaga en sjónum er einkum beint að tveimur pörum: Ragnari, sem er vel stæður miðaldra tannlæknir, og Margréti eiginkonu hans, og Eygló dóttur þeirra og Örvari sambýlismanni hennar. Eldra parið er hjón til fjölda ára sem er að takast á við það að samband þeirra sé orðið að vana og persónueinkenni sem áður var hægt að líta fram hjá eru farin að skyggja á kosti hins aðilans. Yngra parið er að takast á við það að væntingar þeirra til sambandsins eru ekki alveg þær sömu auk skorts á heiðarleika hvors í annars garð. Persónurnar eru að mörgu leyti óttalega staðlaðar. Lífhræddi dellukarlinn og konan með heilsu- og hreinlætisáráttuna, sterka, sjálfstæða og sjálfhverfa konan og góði og meðvirki maðurinn sem þarfnast hennar. Sérstaklega eru Ragnar og Margrét persónur sem maður heyrir oft að séu dæmigerðir Íslendingar. Hann þeysist úr einu stórhuga en óraunhæfa verkefninu í annað en hún er með heilsu á heilanum og ætlar í lokin að græða á ferðamönnum. Ef ætlunin er hins vegar að bókin sé gagnrýni á íslenskt samfélag eða dellurnar sem tröllríða því þá einhvern veginn tekst það ekki nógu vel – mögulega vegna þess að háðið er of fyrirsjáanlegt. Vandamálin sem fjölskyldan þarf að takast á við eru margvísleg og raunsæ. Flest þeirra eru sjálfskaparvíti (eins og svo oft er í raunveruleikanum) sem vekja enga sérstaka samúð en undantekningin er þó aðstaða Örvars, sambýlismanns Eyglóar. Hann er á milli steins og sleggju án þess að við hann sé að sakast og viðbrögð hans og angist eru sannfærandi. Í lok bókar hefur einni krísu verið afstýrt en fjölda annarra ekki og enn aðrar virðast í uppsiglingu. Þannig er jú lífið, og þó að það sé ekki sérlega fullnægjandi endir, þá er hann trúverðugur út frá forsendum bókarinnar. Texti Jóhönnu er lipur og hún kann að segja sögur en einhvern veginn snerti sagan mig þó ekkert sérlega mikið. Þetta er áreynslulaus lesning sem heldur manni ágætlega við efnið en er hvorki sérstaklega spennandi né eftirminnileg. Niðurstaða: Ágæt afþreying en skilur ekki mikið eftir.
Gagnrýni Mest lesið Skapandi sumarstarf varð að þætti á laugardagskvöldum á RÚV Bíó og sjónvarp Sonur Rögnu og Árna fæddur Lífið Krakkatían: Leikhópurinn Lotta, fótboltamót og sumarsólstöður Lífið Næsti Bond undir þrítugu og þrír efstir á blaði Bíó og sjónvarp Einn með fyrsta vinning og vann tæpar 54 milljónir Lífið Lilja Sif Pétursdóttir krýnd Miss Supranational Europe og talin myndfríðust Lífið Rúrik mætti með kærustuna í brúðkaupið Lífið Áslaug selur glæsiíbúð í Reykjavík Lífið Súrrealísk upplifun í prinsessuleik í Versölum Lífið Fréttatía vikunnar: Leiðtogafundur, Hollywood-stjarna og umdeilt brúðkaup Lífið Fleiri fréttir Neistalaus trekantur leiðinlega fólksins Er Stalín listgagnrýnandi í Hörpu núna? Wardruna í vanda – þegar dulúðin náði ekki flugi Tom Cruise hrasar á síðasta snúning Messan sem var ekki tímamótaverk – en mig langaði samt til að gráta KK og Sinfó: Clint Eastwood mætti í Eldborg Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Sjá meira