Al-Qaeda lýsir yfir ábyrgð á árásinni á Hebdo

Hryðjuverkasamtökin al-Qaeda hafa gefið út myndband, þar sem yfirmaður samtakanna í Jemen segir þá bera ábyrgð á árásinni á skrifstofu Charlie Hebdo, þar sem tólf manns létu lífið. Nasr bin Ali Alanesi yfirmaður samtakanna í Jemen segir árásinna vera vegna móðgana tímaritsins gagnvart Múhameð, spámanni Allah.

Myndbandið ber heitið Hefnd fyrir sendiboða Allah: Skilaboð varðandi hina blessuðu orrustu um París.

Ali Alanesi segir að sár árásarinnar í París muni aldrei gróa, né muni þau gróa í New York, Washington, London eða á Spáni. Þá segir hann þá leiðtoga sem tekið hafi þátt í göngunni vera þeir

sömu og hafi barist gegn múslimum víða um heim.

„Horfið á það. Frakkland hefur deilt öllum glæpum Bandaríkjanna.“

Þá segir hann að þeir megi ekki leyfa vantrúuðum að vera sterkari í vantrú sinni og að móðga spámanninn frekar. Þeir eigi að vera sterkari og styðja við trúnna og spámanninn.

Hann segir að samtökin hafi valið skotmark Kouachi bræðranna, fjármagnað þá og skipulagt árásina.