Erlent

Huckabee býður sig aftur fram til forseta

Atli Ísleifsson skrifar
Í aðdraganda kosninganna 2008 vann Huckabee sigur í forvali Repúblikanaflokksins í átta ríkjum.
Í aðdraganda kosninganna 2008 vann Huckabee sigur í forvali Repúblikanaflokksins í átta ríkjum. Vísir/AFP
Mike Huckabee, fyrrum ríkisstjóri Arkansas, tilkynnti í dag að hann bjóði sig fram til að verða frambjóðandi Repúblikana í forsetakosningunum í Bandaríkjunum á næsta ári.

Huckabee bauð sig einnig fram árið 2008 en laut þá í lægra haldi fyrir John McCain. Ríkisstjórinn fyrrverandi hefur starfað í fjölmiðlum frá síðasta forsetaframboði sínu.

Í aðdraganda kosninganna 2008 vann Huckabee sigur í forvali Repúblikanaflokksins í átta ríkjum.

Fjöldi Repúblikana hafa tilkynnt um framboð sitt á síðustu vikum, þeirra á meðal öldungadeildarþingmennirnir Marco Rubio, Ted Cruz og Rand Paul, fyrrum forstjóri tölvurisans Hewlett Packard, Carly Fiorina og taugalæknirinn Ben Carson.

Jeb Bush, fyrrum ríkisstjóri Florida, er talinn líklegastur til að verða frambjóðandi Repúblikana en hann á enn eftir til að tilkynna um framboð sitt.

Forsetakosningar í Bandaríkjunum

Tengdar fréttir

Rand Paul býður sig fram til forseta

Bandaríski öldungadeildarþingmaðurinn vill verða frambjóðandi Repúblikana í bandarísku forsetakosningunum á næsta ári.

Hillary og repúblikanarnir

Þótt hálft annað ár sé til forsetakosninga eru fyrstu frambjóðendurnir komnir í startholurnar. Hillary Clinton tilkynnti framboð sitt í vikunni og ekki er sjáanlegt enn að aðrir demókratar geti komið í veg fyrir að hún verði forsetaefni flokksins.

Marco Rubio vill verða forseti

Marco Rubio, öldungadeildarþingmaður Flórída, hefur tilkynnt að hann bjóði sig fram til að verða forsetaefni Repúblikana.

Mest lesið


Fleiri fréttir

Sjá meira


×

Mest lesið