Haftafrumvörpin orðin að lögum með víðtækum stuðningi Heimir Már Pétursson skrifar 3. júlí 2015 14:32 Stjórnarandstaðan studdi haftafrumvörp fjármálaráðherra sem urðu að lögum á Alþingi í dag. Alþingi farið í sumarleyfi. vísir/ernir Haftafrumvörp fjármálaráðherra um annars vegar stöðugleikaskatt og hins vegar um nauðasamninga fjármálafyrirtækja urðu að lögum frá Alþingi í dag með öllum þorra atkvæða bæði stjórnar og stjórnarandstöðu. Þingstörfum lauk um klukkan tvö og er Alþingi farið í sumarleyfi fram til 8. september. Nokkrar breytingar voru gerðar á frumvörpunum í nefndarvinnu sem allar voru samþykktar. Stjórn og stjórnarandstaða eru því einhuga um þetta risavaxna hagsmunamál þjóðarinnar þótt vissulega kæmu fram athugasemdir frá nokkrum þingmönnum. Árni Páll Árnason formaður Samfylkingarinnar sagði mikilvægt að tryggt væri að fjármunir sem fengjust með þessum lögum frá þrotabúum gömlu bankanna yllu ekki fjármálalegum óstöðugleika. „Og verði ekki til þess að auka á pólitískan óstöðugleika með því að gefa mönnum færi á loforðaflaumi og ábyrgðarleysi í aðdraganda kosninga,“ sagði Árni Páll. Steingrímur J. Sigfússon þingmaður Vinstri grænna og fyrrverandi fjármálaráðherra sagði ekki miklar líkur á að lögin um stöðugleikaskatt kæmu til framkvæmda þótt hann styddi frumvarpið. „Það eru litlar líkur á að til greiðslu þessa skatts komi þar sem fyrir virðist liggja einhvers konar óformlegt samkomulag milli ríkisstjórnar Sigmunds Davíðs Gunnlaugssonar og lykilkröfuhafa í bú stóru bankanna. Þannig að ekki er líklegt að þessi leið muni skila ríkissjóði miklum fjármunum,“ sagði Steingrímur. Birgitta Jónsdóttir kapteinn Pírata tók undir þessi sjónarmið og varaði jafnframt við því að fjármunir sem fengjust með þessu yrðu notaðir í annað en greiðslu skulda ríkissjóðs. „En það er líka mjög mikilvægt að halda því til haga að þetta er ekki fjáröflunarleið heldur heldur stöðugleikaleið fyrir landið,“ sagði Birgitta.Mikilvægt að huga að gjaldmiðli framtíðarinnar Guðmundur Steingrímsson formaður Bjartrar framtíðar sagði að ef þetta tækist vel spáði hann því að við muni blasa kunnuglegur veruleiki. „Þar sem við þurfum að horfast í augu við það að við erum með of lítinn gjaldmiðil til að höndla fjármagnsflutninga. Til að höndla frelsi í fjármagnsflutningum . Til að höndla uppgang og góðæri. Ég myndi hvetja til þess að í framhaldinu að við myndum ræða framtíðarstefnu í gjaldmiðilsmálum þjóðarinnar. Össur Skarphéðinsson þingmaður Samfylkingarinnar sagði nauðasamningaleiðina tryggja kröfuhöfum mikinn afslátt frá skattaleyðinni. „Hins vegar vil ég taka það alveg skýrt fram að útfrá sjónarmiðum fjármálalegs stöðugleika ganga báðar þessar leiðir upp. En sú fyrri, stöðugleikaskatturinn, er öruggari fyrir Ísland,“ sagði Össur. Bjarni Benediktsson fjármálaráðherra lýsti ánægju með að Alþingi afgreiddi þessi tvö mikilvægu mál í mikilli samstöðu og þakkaði þingheimi fyrir hans vinnu. Sigmundur Davíð Gunnlaugsson forsætisráðherra sagði ánægjulegt hversu jákvætt þingmenn allra flokka tækju þessu máli. „Og sumir jafnvel málefnalega. Aðrir ekki jafn málefnalega. Það eru auðvitað ekki svaraverðar fullyrðingar sem hér hafa fallið um það að ríkisstjórnin sé búin að semja við einhverja um eitthvað í þessu sambandi,“ sagði forsætisráðherra.Stærsta efnahagsvandamál þjóðarinnar leyst Sigmundur Davíð sagði að þingið væri einfaldlega að samþykkja lög um skattlagningu og ef menn vildu komast hjá henni yrðu þeir að uppfylla stöðugleikaskilyrði sem væru miklu strangari en skilyrði sem áður hafi verið fyrir nauðasamningum. „Og háttvirtur þingmaður Össur Skarphéðinsson virðist einfaldlega hafa sofnað á kynningarfundinum ef það fór algerlega framhjá honum sú kynning sem fór fram þar á stöðugleikaskilyrðunum. Aðalatriðið er þó það að hér er þingið að samþykkja leið til að leysa stærsta efnahagslega vandamál sem þjóðin hefur staðið frami fyrir undanfarin ár og það er mikið fagnaðarefni. Það er ekki bara fagnaðarefni hér á Íslandi heldur hefur þetta vakið athygli víða um lönd. Enda með mjög afdráttarlausum hætti verið að leysa mál sem virtist mögum óleysanlegt fyrir síðustu kosningar,“ sagði Sigmundur Davíð Gunnlaugsson. Alþingi Mest lesið Fjölskylda flugmanns Icelandair vill að lögregla rannsaki andlát hans Innlent Telur fleiri falla á nýju bílprófi Innlent Mamma bara María þegar mæðgurnar eru saman á vakt Innlent Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent „Spurðu svo fyrirtækið þitt af hverju það leggur fé í heimsendakölt“ Innlent Önnur vopnageymsla í ljósum logum í Rússlandi Erlent Senda svifsprengjur fyrir F-16 Erlent Ekkert sem bendir til þess að sakborningum fjölgi Innlent Arnar Þór á leið í nýjan flokk Innlent Anton Sveinn McKee til liðs við Miðflokkinn Innlent Fleiri fréttir Arnar Þór á leið í nýjan flokk Anton Sveinn McKee til liðs við Miðflokkinn „Spurðu svo fyrirtækið þitt af hverju það leggur fé í heimsendakölt“ Ekkert sem bendir til þess að sakborningum fjölgi Lífræni dagurinn er í dag Bein útsending: Heilabilun rædd á Alzheimerdegi Ekkert bendi til að sakborningum muni fjölga Telur fleiri falla á nýju bílprófi Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Sjá meira
Haftafrumvörp fjármálaráðherra um annars vegar stöðugleikaskatt og hins vegar um nauðasamninga fjármálafyrirtækja urðu að lögum frá Alþingi í dag með öllum þorra atkvæða bæði stjórnar og stjórnarandstöðu. Þingstörfum lauk um klukkan tvö og er Alþingi farið í sumarleyfi fram til 8. september. Nokkrar breytingar voru gerðar á frumvörpunum í nefndarvinnu sem allar voru samþykktar. Stjórn og stjórnarandstaða eru því einhuga um þetta risavaxna hagsmunamál þjóðarinnar þótt vissulega kæmu fram athugasemdir frá nokkrum þingmönnum. Árni Páll Árnason formaður Samfylkingarinnar sagði mikilvægt að tryggt væri að fjármunir sem fengjust með þessum lögum frá þrotabúum gömlu bankanna yllu ekki fjármálalegum óstöðugleika. „Og verði ekki til þess að auka á pólitískan óstöðugleika með því að gefa mönnum færi á loforðaflaumi og ábyrgðarleysi í aðdraganda kosninga,“ sagði Árni Páll. Steingrímur J. Sigfússon þingmaður Vinstri grænna og fyrrverandi fjármálaráðherra sagði ekki miklar líkur á að lögin um stöðugleikaskatt kæmu til framkvæmda þótt hann styddi frumvarpið. „Það eru litlar líkur á að til greiðslu þessa skatts komi þar sem fyrir virðist liggja einhvers konar óformlegt samkomulag milli ríkisstjórnar Sigmunds Davíðs Gunnlaugssonar og lykilkröfuhafa í bú stóru bankanna. Þannig að ekki er líklegt að þessi leið muni skila ríkissjóði miklum fjármunum,“ sagði Steingrímur. Birgitta Jónsdóttir kapteinn Pírata tók undir þessi sjónarmið og varaði jafnframt við því að fjármunir sem fengjust með þessu yrðu notaðir í annað en greiðslu skulda ríkissjóðs. „En það er líka mjög mikilvægt að halda því til haga að þetta er ekki fjáröflunarleið heldur heldur stöðugleikaleið fyrir landið,“ sagði Birgitta.Mikilvægt að huga að gjaldmiðli framtíðarinnar Guðmundur Steingrímsson formaður Bjartrar framtíðar sagði að ef þetta tækist vel spáði hann því að við muni blasa kunnuglegur veruleiki. „Þar sem við þurfum að horfast í augu við það að við erum með of lítinn gjaldmiðil til að höndla fjármagnsflutninga. Til að höndla frelsi í fjármagnsflutningum . Til að höndla uppgang og góðæri. Ég myndi hvetja til þess að í framhaldinu að við myndum ræða framtíðarstefnu í gjaldmiðilsmálum þjóðarinnar. Össur Skarphéðinsson þingmaður Samfylkingarinnar sagði nauðasamningaleiðina tryggja kröfuhöfum mikinn afslátt frá skattaleyðinni. „Hins vegar vil ég taka það alveg skýrt fram að útfrá sjónarmiðum fjármálalegs stöðugleika ganga báðar þessar leiðir upp. En sú fyrri, stöðugleikaskatturinn, er öruggari fyrir Ísland,“ sagði Össur. Bjarni Benediktsson fjármálaráðherra lýsti ánægju með að Alþingi afgreiddi þessi tvö mikilvægu mál í mikilli samstöðu og þakkaði þingheimi fyrir hans vinnu. Sigmundur Davíð Gunnlaugsson forsætisráðherra sagði ánægjulegt hversu jákvætt þingmenn allra flokka tækju þessu máli. „Og sumir jafnvel málefnalega. Aðrir ekki jafn málefnalega. Það eru auðvitað ekki svaraverðar fullyrðingar sem hér hafa fallið um það að ríkisstjórnin sé búin að semja við einhverja um eitthvað í þessu sambandi,“ sagði forsætisráðherra.Stærsta efnahagsvandamál þjóðarinnar leyst Sigmundur Davíð sagði að þingið væri einfaldlega að samþykkja lög um skattlagningu og ef menn vildu komast hjá henni yrðu þeir að uppfylla stöðugleikaskilyrði sem væru miklu strangari en skilyrði sem áður hafi verið fyrir nauðasamningum. „Og háttvirtur þingmaður Össur Skarphéðinsson virðist einfaldlega hafa sofnað á kynningarfundinum ef það fór algerlega framhjá honum sú kynning sem fór fram þar á stöðugleikaskilyrðunum. Aðalatriðið er þó það að hér er þingið að samþykkja leið til að leysa stærsta efnahagslega vandamál sem þjóðin hefur staðið frami fyrir undanfarin ár og það er mikið fagnaðarefni. Það er ekki bara fagnaðarefni hér á Íslandi heldur hefur þetta vakið athygli víða um lönd. Enda með mjög afdráttarlausum hætti verið að leysa mál sem virtist mögum óleysanlegt fyrir síðustu kosningar,“ sagði Sigmundur Davíð Gunnlaugsson.
Alþingi Mest lesið Fjölskylda flugmanns Icelandair vill að lögregla rannsaki andlát hans Innlent Telur fleiri falla á nýju bílprófi Innlent Mamma bara María þegar mæðgurnar eru saman á vakt Innlent Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent „Spurðu svo fyrirtækið þitt af hverju það leggur fé í heimsendakölt“ Innlent Önnur vopnageymsla í ljósum logum í Rússlandi Erlent Senda svifsprengjur fyrir F-16 Erlent Ekkert sem bendir til þess að sakborningum fjölgi Innlent Arnar Þór á leið í nýjan flokk Innlent Anton Sveinn McKee til liðs við Miðflokkinn Innlent Fleiri fréttir Arnar Þór á leið í nýjan flokk Anton Sveinn McKee til liðs við Miðflokkinn „Spurðu svo fyrirtækið þitt af hverju það leggur fé í heimsendakölt“ Ekkert sem bendir til þess að sakborningum fjölgi Lífræni dagurinn er í dag Bein útsending: Heilabilun rædd á Alzheimerdegi Ekkert bendi til að sakborningum muni fjölga Telur fleiri falla á nýju bílprófi Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Sjá meira
Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent
Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent