Sykurpúða pizza á grillið að hætti Eyþórs

Eftirréttapitsa með nutella, mascarpone-osti, sykurpúðum og jarðarberjum



Uppskrift fyrir 8-10 manns 

Pitsudeig (fyrir 2 botna) 

3 dl vatn

25 g ger 

1 tsk. salt

1 tsk. sykur 

15 g kakó 

1 msk. kanill

1 msk. matarolía

½ kg hveiti

Pitsusteinn

Álegg

130 g nutella

50 g mascarpone-ostur 

10-15 litlir sykurpúðar

½ stk. lime (börkurinn)

1 askja jarðarber 

Setjið allt hráefnið saman í hrærivélarskál og vinnið saman þar til blandan er orðin að fallegu deigi. Setjið deigið í skál með plastfilmu yfir og látið það hefast í 30 mín. Skiptið deiginu í tvennt og fletjið deigið út og setjið á heitan pitsusteininn í grillinu og bakið í 5 mín.

Snúið pitsunni við og smyrjið nutella á hana og setjið svo sykurpúðana og mascarpone-ostinn á hana og bakið í 5 mín í viðbót. Skerið jarðarberin í fernt og dreifið yfir pitsuna og rífið börkinn af lime-inu yfir í lokin.