Hæstiréttur staðfesti gæsluvarðhald yfir hollensku konunni

Hæstiréttur Íslands hefur staðfest gæsluvarðhaldsúrskurð yfir hollenskri konu sem handtekin var við komuna til Seyðisfjarðar með Norrænu í síðustu viku.

Konan er grunuð um að hafa reynt að smygla miklu magni af fíkniefnum til landsins ásamt hollenskum félaga sínum. Fíkniefni fundust í bíl þeirra við leit lögreglu á Seyðisfirði.

Maðurinn situr einnig í gæsluvarðhaldi. Bæði eru þau á Litla-Hrauni og verða þar að öllum líkindum þar til gæsluvarðhaldið yfir þeim rennur út á miðvikudaginn í næstu viku.