Nýr jepplingur frá Borgward

Borgward er þýskur bílaframleiðandi í Stuttgart sem varð gjaldþrota fyrir um hálfri öld síðan og framleiddi bíla ætlaða millistéttinni. Nú er búið að vekja aftur upp þetta lítt kunna bílamerki og það með stuðningi frá kínverskum fjárfesti.

Fyrsti bíllinn frá þeim eftir uppvakninguna er þessi Borgward BX7 jepplingur sem er sláandi líkur Audi Q5 og einmitt beint gegn honum. Hann á að kosta samt miklu minna en Audi Q5, eða 30.000 dollara, 10.000 minna en Q5.

Bíllinn er að mörgu leiti svipað búinn og Q5, með 2,0 lítra forþjöppudrifna vél sem skilar 200 hestöflum, er fjórhjóladrifinn og með 7 gíra tveggja kúplinga DSG sjálfskiptingu. Einnig má fá bílinn sem Plug-In-Hybrid bíl.

Bíllinn er með 360 gráðu myndavél, 12,3 tommu aðgerðaskjá og innbyggt WiFi. Hann er einnig með árekstrarvara, skriðstilli og búnað sem varar við hættu vegna gangandi vegfarenda. Ekki kemur fram hvort bíllinn er smíðaður í Stuttgart eða í Kína.