Hefðbundin braglist lifir enn góðu lífi Gunnþóra Gunnarsdóttir skrifar 8. desember 2015 11:00 "Ég hef ekkert á móti óbundnum ljóðum en tel að ljóðformin geti lifað hlið við hlið,“ segir Ragnar Ingi. Fréttablaðið/Vilhelm „Góðu fréttirnar eru þær að háttbundinn kveðskapur virðist vera í sókn hjá þjóðinni, það sýnir meðal annars gróska í útgáfu bóka með slíku efni,“ segir doktor Ragnar Ingi Aðalsteinsson, ritstjóri Stuðlabergs, tímarits sem helgað er hefðbundinni ljóðlist. Nýtt hefti er að koma út og þar er getið um tíu nýjar ljóðabækur með rími og stuðlum, ýmist eldri kveðskap eða ortum upp á síðkastið. Aðalviðtalið í hinu nýja hefti er við Böðvar Guðmundsson rithöfund sem ólst upp við ljóð og söng sem sjálfsagðan hluta af deginum. Einnig er rætt við Kristján Þórð Hrafnsson rithöfund um nýja ljóðabók hans með tuttugu og fjórum sonnettum. Konur eru líka í brennidepli í heftinu. Getið er um væntanlega ljóðabók eftir Guðrúnu Stefánsdóttur frá Fagraskógi, systur Davíðs skálds, og meðal þess sem Ragnar Ingi vekur athygli á er bókin Líf og list Helgu Pálsdóttur frá Grjótá. Helga orti Konuvísur snemma á síðustu öld til mótvægis við bændabragi og formannavísur sem þá tíðkuðust, og þar fengu um sextíu konur sína vísuna hver. Þá lýsir Sveinn Jónsson í Kálfskinni því líka hvernig Eyfirðingar munu minnast þriggja alda afmælis Látra-Bjargar á næsta ári en konan sú var kröftugt skáld, eins og margir vita. Ragnar Ingi segir áskrifendur hópast að Stuðlabergi úr öllum áttum og er auðvitað harla kátur með það. Hann vill veg hefðbundinna bragarhátta sem mestan og telur kennara landsins þurfa að vera duglega við að halda þeim að nemendum, til jafns við aðra ljóðlist. „Það er þó alls ekki þannig að ég sé á móti órímuðum ljóðum,“ tekur hann fram. „Heldur eiga þau og hefðbundinn kveðskapur að lifa hlið við hlið.“ Í ljósi góðs gengis íslenskra kvikmynda, íþróttamanna og glæpasagnahöfunda erlendis spurði Stuðlaberg hagyrðinga: Eru Íslendingar þá eftir allt saman bestir? Ólína Þorvarðardóttir svaraði spurningunni á þessa leið: Íþrótt sanna orðs og handa iðkar þjóðin kná og vís, stórvirkin að ströndum landa streyma ört við lof og prís Já, íslensk þjóð svo ung og dreymin afrek mörg í skauti ber. Nú sem stendur hálfan heiminn hefur lagt að fótum sér.Pétur Ingvi Pétursson frá Höllustöðum svaraði þannig:Um það vissan virðist blendin og vafin háði, nema meirimáttarkenndin miklu ráði.Þórarinn Már Baldursson hafði þessa skoðun:Þó að eigi á Fróni flestir framtíð bjarta Íslendingar eru bestir í að kvarta. Menning Mest lesið „Ég fæ morgnana til að vera bara ég“ Tónlist Ógleymanlegt fermingarpils enn í uppáhaldi Tíska og hönnun Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Geggjað heimatilbúið „Twix“ Lífið Borðar það sem alltaf hefur verið til og léttist og léttist Lífið Tæpur helmingur íbúa hefur séð myndina Bíó og sjónvarp „Það er alveg hægt að vinna rifrildið, en þá tapar sambandið“ Makamál Ein lausn er að liggja hlið við hlið og fróa sér Lífið Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
„Góðu fréttirnar eru þær að háttbundinn kveðskapur virðist vera í sókn hjá þjóðinni, það sýnir meðal annars gróska í útgáfu bóka með slíku efni,“ segir doktor Ragnar Ingi Aðalsteinsson, ritstjóri Stuðlabergs, tímarits sem helgað er hefðbundinni ljóðlist. Nýtt hefti er að koma út og þar er getið um tíu nýjar ljóðabækur með rími og stuðlum, ýmist eldri kveðskap eða ortum upp á síðkastið. Aðalviðtalið í hinu nýja hefti er við Böðvar Guðmundsson rithöfund sem ólst upp við ljóð og söng sem sjálfsagðan hluta af deginum. Einnig er rætt við Kristján Þórð Hrafnsson rithöfund um nýja ljóðabók hans með tuttugu og fjórum sonnettum. Konur eru líka í brennidepli í heftinu. Getið er um væntanlega ljóðabók eftir Guðrúnu Stefánsdóttur frá Fagraskógi, systur Davíðs skálds, og meðal þess sem Ragnar Ingi vekur athygli á er bókin Líf og list Helgu Pálsdóttur frá Grjótá. Helga orti Konuvísur snemma á síðustu öld til mótvægis við bændabragi og formannavísur sem þá tíðkuðust, og þar fengu um sextíu konur sína vísuna hver. Þá lýsir Sveinn Jónsson í Kálfskinni því líka hvernig Eyfirðingar munu minnast þriggja alda afmælis Látra-Bjargar á næsta ári en konan sú var kröftugt skáld, eins og margir vita. Ragnar Ingi segir áskrifendur hópast að Stuðlabergi úr öllum áttum og er auðvitað harla kátur með það. Hann vill veg hefðbundinna bragarhátta sem mestan og telur kennara landsins þurfa að vera duglega við að halda þeim að nemendum, til jafns við aðra ljóðlist. „Það er þó alls ekki þannig að ég sé á móti órímuðum ljóðum,“ tekur hann fram. „Heldur eiga þau og hefðbundinn kveðskapur að lifa hlið við hlið.“ Í ljósi góðs gengis íslenskra kvikmynda, íþróttamanna og glæpasagnahöfunda erlendis spurði Stuðlaberg hagyrðinga: Eru Íslendingar þá eftir allt saman bestir? Ólína Þorvarðardóttir svaraði spurningunni á þessa leið: Íþrótt sanna orðs og handa iðkar þjóðin kná og vís, stórvirkin að ströndum landa streyma ört við lof og prís Já, íslensk þjóð svo ung og dreymin afrek mörg í skauti ber. Nú sem stendur hálfan heiminn hefur lagt að fótum sér.Pétur Ingvi Pétursson frá Höllustöðum svaraði þannig:Um það vissan virðist blendin og vafin háði, nema meirimáttarkenndin miklu ráði.Þórarinn Már Baldursson hafði þessa skoðun:Þó að eigi á Fróni flestir framtíð bjarta Íslendingar eru bestir í að kvarta.
Menning Mest lesið „Ég fæ morgnana til að vera bara ég“ Tónlist Ógleymanlegt fermingarpils enn í uppáhaldi Tíska og hönnun Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Geggjað heimatilbúið „Twix“ Lífið Borðar það sem alltaf hefur verið til og léttist og léttist Lífið Tæpur helmingur íbúa hefur séð myndina Bíó og sjónvarp „Það er alveg hægt að vinna rifrildið, en þá tapar sambandið“ Makamál Ein lausn er að liggja hlið við hlið og fróa sér Lífið Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira