Björgunarsveitarmenn enn að störfum

Þrír hópar björgunarsveitarmanna eru enn að störfum á höfuðborgarsvæðinu til að aðstoða þá ökumenn sem sitja fastir á stofnbrautum. Samtals eru þetta um 10 -12 björgunarsveitarmenn sem ætla að veita aðstoða fram eftir kvöldi en hægt er að hringja í Neyðarlínuna ef fólk er alveg bjargarlaust.

Tekið er þó fram að þetta á einungis við þá sem eru fastir á stofnbrautum og hindra umferð. Björgunarsveitarmenn aðstoða ekki ökumenn sem eiga bíla sem eru fastir á bílastæðum eða fjarri umferðaræðum.

Töluverð ofankoma hefur verið á höfuðborgarsvæðinu í dag og verður ekkert lát á henni fyrr en um miðnætti, samkvæmt upplýsingum frá Veðurstofu Íslands.