Langmæðgur í Trölladyngju Halla Þórlaug Óskarsdóttir skrifar 17. desember 2015 12:30 bókakápur Bækur Amma óþekka og tröllin í fjöllunum Jenný Kolsöe Útgefandi: Bókabeitan Myndir: Bergrún Íris Sævarsdóttir Fjöldi síðna: 57 Amma óþekka er ný barnabók frá Bókabeitunni sem hentar sérstaklega yngri lesendum og þeim sem eru að æfa sig í lestri. Það þýðir þó ekki að orðaforðinn sé einfaldur heldur er einmitt lagt upp úr fjölbreytni í orðavali og því að kynna lesendur fyrir margslungnum og misflóknum orðum íslenskrar tungu. Þessi bók er ólík lestraræfingabókum sem krakkar eiga að venjast, því þótt lögð sé áhersla á ákveðna stafi í efnisgreinum sögunnar og framburðareinkenni svo sem tvöfalda samhljóða, þá er framvindan skemmtileg. Sagan segir frá Fanneyju Þóru sem fer í ferðalag með ömmu sinni út á land, nánar tiltekið í Trölladyngju. Þar tjalda þær stöllur, grilla pylsur og eiga saman huggulega stund í íslenskri náttúru. Amma óþekka er myndlistarmaður með sterkar skoðanir og greinilega flott fyrirmynd. Hún segist ætla að gera meira en milljón skissur á meðan á dvöl þeirra stendur svo hún þarf aldeilis að halda á spöðunum. Fanney Þóra lætur eina duga og fer svo í skoðunarferð. Á rölti sínu hittir hún trölladreng sem á ýmislegt sameiginlegt með stúlkunni en ekki líður á löngu þar til þau eru öll á hlaupum undan náttúruöflunum; trölladrengurinn, amma hans, Fanney Þóra og amma óþekka. Líkt og fram hefur komið er bókin sniðin að þörfum þeirra sem eru að æfa sig í lestri og auka á orðaforða sinn. Hún er fyrsta bókin í nýrri röð frá Bókabeitunni sem nefnist Ljósaserían og hefur þetta að leiðarljósi. Leturgerð er læsileg og í stærra lagi, línubil sem andar vel og efnisgreinum er skipt niður í styttri búta svo hægt er að hvíla sig reglulega án þess að tapa þræði.Niðurstaða: Skemmtileg bók fyrir unga lesendur sem eru að æfa sig í lestri. Stútfull af nýjum orðum og leyndum framburðaræfingum. Menning Mest lesið Listamaðurinn sem gleymdist gjörsamlega Menning Þjóðhátíð um raunveruleikaþátt Brynjars: „Það er ekkert í boði“ Lífið Fékk sér Stöð 2 húðflúr í beinni útsendingu Lífið „Ekkert gengið að casha út á pabba“ Menning Söfnuðu milljón krónum fyrir ungt fólk með krabbamein Lífið Krakkatían: Aldur, tími og Greta Thunberg Lífið Vala Kristín og Hilmir Snær búin að eiga Lífið Vann gullverðlaun fyrir sykurblómaskreytingu Lífið Laufey Lín og Barbra Streisand leiða saman hesta sína Lífið Selur íbúð með náttúruparadís í bakgarðinum Lífið Fleiri fréttir Tom Cruise hrasar á síðasta snúning Messan sem var ekki tímamótaverk – en mig langaði samt til að gráta KK og Sinfó: Clint Eastwood mætti í Eldborg Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Sjá meira
Bækur Amma óþekka og tröllin í fjöllunum Jenný Kolsöe Útgefandi: Bókabeitan Myndir: Bergrún Íris Sævarsdóttir Fjöldi síðna: 57 Amma óþekka er ný barnabók frá Bókabeitunni sem hentar sérstaklega yngri lesendum og þeim sem eru að æfa sig í lestri. Það þýðir þó ekki að orðaforðinn sé einfaldur heldur er einmitt lagt upp úr fjölbreytni í orðavali og því að kynna lesendur fyrir margslungnum og misflóknum orðum íslenskrar tungu. Þessi bók er ólík lestraræfingabókum sem krakkar eiga að venjast, því þótt lögð sé áhersla á ákveðna stafi í efnisgreinum sögunnar og framburðareinkenni svo sem tvöfalda samhljóða, þá er framvindan skemmtileg. Sagan segir frá Fanneyju Þóru sem fer í ferðalag með ömmu sinni út á land, nánar tiltekið í Trölladyngju. Þar tjalda þær stöllur, grilla pylsur og eiga saman huggulega stund í íslenskri náttúru. Amma óþekka er myndlistarmaður með sterkar skoðanir og greinilega flott fyrirmynd. Hún segist ætla að gera meira en milljón skissur á meðan á dvöl þeirra stendur svo hún þarf aldeilis að halda á spöðunum. Fanney Þóra lætur eina duga og fer svo í skoðunarferð. Á rölti sínu hittir hún trölladreng sem á ýmislegt sameiginlegt með stúlkunni en ekki líður á löngu þar til þau eru öll á hlaupum undan náttúruöflunum; trölladrengurinn, amma hans, Fanney Þóra og amma óþekka. Líkt og fram hefur komið er bókin sniðin að þörfum þeirra sem eru að æfa sig í lestri og auka á orðaforða sinn. Hún er fyrsta bókin í nýrri röð frá Bókabeitunni sem nefnist Ljósaserían og hefur þetta að leiðarljósi. Leturgerð er læsileg og í stærra lagi, línubil sem andar vel og efnisgreinum er skipt niður í styttri búta svo hægt er að hvíla sig reglulega án þess að tapa þræði.Niðurstaða: Skemmtileg bók fyrir unga lesendur sem eru að æfa sig í lestri. Stútfull af nýjum orðum og leyndum framburðaræfingum.
Menning Mest lesið Listamaðurinn sem gleymdist gjörsamlega Menning Þjóðhátíð um raunveruleikaþátt Brynjars: „Það er ekkert í boði“ Lífið Fékk sér Stöð 2 húðflúr í beinni útsendingu Lífið „Ekkert gengið að casha út á pabba“ Menning Söfnuðu milljón krónum fyrir ungt fólk með krabbamein Lífið Krakkatían: Aldur, tími og Greta Thunberg Lífið Vala Kristín og Hilmir Snær búin að eiga Lífið Vann gullverðlaun fyrir sykurblómaskreytingu Lífið Laufey Lín og Barbra Streisand leiða saman hesta sína Lífið Selur íbúð með náttúruparadís í bakgarðinum Lífið Fleiri fréttir Tom Cruise hrasar á síðasta snúning Messan sem var ekki tímamótaverk – en mig langaði samt til að gráta KK og Sinfó: Clint Eastwood mætti í Eldborg Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Sjá meira