Fjórfalt fleiri létust í umferðinni í ár Una Sighvatsdóttir skrifar 28. desember 2015 19:00 Sextán hafa látist í umferðinni það sem af er ári, fjórfalt fleiri en í fyrra. Skýringar má meðal annars finna í fjölgun ferðamanna, en einnig má rekja fleiri banaslys en áður til andlegra veikinda og hás aldurs ökumanna.Banaslysum í umferðinni hefur farið fækkandi sé litið yfir undanfarinn áratug, en eru þó umtalsvert fleiri í ár en síðustu ár á undan.Umferðarslys eru einhver mesta heilbrigðisvandi sem við stöndum frammi fyrir í dag en reynslan sýnir að með markvissum aðgerðum og forvörnum er hægt að sporna gegn þeim. Undanfarinn áratug hefur banaslysum í umferðinni farið fækkandi. Sé litið til síðustu fimm ára hefur meðalfjöldi látinna verið um tíu á ári, samanborið við tæp 19 að meðaltali á ári á fimm ára tímabili þar á undan. Áberandi fæstir létust í fyrra, aðeins fjórir. Þessa fækkun má meðal annars þakka aukinni bílbeltanotkun, vegaumbótum og forvörnum. Ekkert banaslys varð til dæmis í ár vegan ofsaaksturs. Andleg og líkamleg veikindi baki fleiri slysum en áður Af þeim sextán sem létust voru hinsvegar fimm erlendir ferðamenn. Til samanburðar létust engir erlendir ferðamenn í fyrra eða árið áður. Ágúst Mogensen, rannsóknarstjóri umferðarsviðs hjá Rannsóknarnefnd samgönguslysa, segir að þarna sé nýr hópur sem þurfi að skoða með fyrirbyggjandi aðgerðir í huga. „En það er ekki öll sagan sögð með þessum slysum. Annað sem við erum að sjá líka á þessu ári eru slys sem má skýra með veikindum, bæði andlegum og líkamlegum veikindum og vegna eldri ökumanna. Þannig að þetta er aðeins frábrugðin mynd frá því sem við höfum séð hin fyrri ár.“Smári Sveinsson uppfærði tölu látinna á skiltinu við Sandskeið í dag. Hann hefur sinnt því starfi í áraraðir.„Vinna sem maður vill síst fá“ Smári Sveinsson er maðurinn sem annast skiltið á Sandskeið sem heldur utan um fjölda látinna. Fréttastofa hitti á Smára þegar hann hækkaði töluna í sextán í dag, vegna ferðamanns sem lést í Öræfasveit á öðrum degi jóla. „Ég er búinn að koma hérna í þónokkur ár. Maður fær upphringingu svona annað slagið. Of oft,“ segir Smári. „Þetta er eiginlega vinna sem maður vill síst fá.“ Smári segist tvisvar sinnum hafa þurft að setja upp hærri tölu vegna fólks sem hann þekkti sjálfur persónulega. Hann hefur því miður þurft að gera sér mun fleiri ferðir að skiltinu í ár en í fyrra, síðast á aðfangadag, og segir að skrefin séu sérstaklega þung þegar banaslys verða yfir hátíðarnar. „Þetta hefur ekki skeð lengi að svona mörg slys verði eins og í ár og þetta kom bara í runu núna, í desember má segja. Það var lengi vel átta og síðan hefur þetta hlaðist upp. Tvöfaldast.“Ágúst Mogensen segir að aðeins frábrugðin mynd sé á banaslysum í ár miðað við fyrri ár. Rannsaka þurfi hvernig unnt sé að bregðast við þróuninni.Áfram stefnt að fækkun banaslysa Rannsóknarnefnd umferðarslysa mun nú greina slysin sem urðu á árinu til að sjá hvernig hægt er að bregðast við fjölguninni. Ágúst segir ástæðulaust að standa ráðþrota gagnvart banaslysum og vísar til umferðaröryggisáætlunar stjórnvalda, sem nær fram til ársins 2022. Meginmarkmið hennar eru tvö:-Að fjöldi látinna og alvarlegra slasaðra í umferðinni lækki um 5% á ári fram til ársins 2022-Að fjöldi látinna í umferðinni á hverjua 100.000 íbúa verði ekki meiri en best gerist í heiminum árið 2022 „Við getum bætt forvarnir, bætt merkingar í vegakerfinu og reynt að ná betur til erlendu ferðamannanna,“ nefnir Ágúst sem dæmi um fyrirbyggjandi aðgerðir í takti við þróunina. „Við lítum svo á að það megi fækka alvarlegum slysum og banaslysum. Við höfum séð af reynslu að það er hægt og viljum stefna í þá átt áfram.“ Ferðamennska á Íslandi Mest lesið Eiginmaður íslenskrar konu lét sig hverfa rétt eftir brúðkaupið Innlent „Það er ódýrast og best og fljótlegast að kála þessum dýrum“ Innlent Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Hafa „góða hugmynd“ hvar og hvenær stúlkunni var ráðinn bani Innlent Kona réðst að sjö ára dreng við Smáraskóla Innlent Skerjafjarðarskáldið krefst afsökunarbeiðni – annars fer það í mál Innlent Yazan afar létt að vera ekki vísað frá landi Innlent Kona á níræðisaldri sá björninn í þriggja metra fjarlægð Innlent Fleiri fréttir Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Sjá meira
Sextán hafa látist í umferðinni það sem af er ári, fjórfalt fleiri en í fyrra. Skýringar má meðal annars finna í fjölgun ferðamanna, en einnig má rekja fleiri banaslys en áður til andlegra veikinda og hás aldurs ökumanna.Banaslysum í umferðinni hefur farið fækkandi sé litið yfir undanfarinn áratug, en eru þó umtalsvert fleiri í ár en síðustu ár á undan.Umferðarslys eru einhver mesta heilbrigðisvandi sem við stöndum frammi fyrir í dag en reynslan sýnir að með markvissum aðgerðum og forvörnum er hægt að sporna gegn þeim. Undanfarinn áratug hefur banaslysum í umferðinni farið fækkandi. Sé litið til síðustu fimm ára hefur meðalfjöldi látinna verið um tíu á ári, samanborið við tæp 19 að meðaltali á ári á fimm ára tímabili þar á undan. Áberandi fæstir létust í fyrra, aðeins fjórir. Þessa fækkun má meðal annars þakka aukinni bílbeltanotkun, vegaumbótum og forvörnum. Ekkert banaslys varð til dæmis í ár vegan ofsaaksturs. Andleg og líkamleg veikindi baki fleiri slysum en áður Af þeim sextán sem létust voru hinsvegar fimm erlendir ferðamenn. Til samanburðar létust engir erlendir ferðamenn í fyrra eða árið áður. Ágúst Mogensen, rannsóknarstjóri umferðarsviðs hjá Rannsóknarnefnd samgönguslysa, segir að þarna sé nýr hópur sem þurfi að skoða með fyrirbyggjandi aðgerðir í huga. „En það er ekki öll sagan sögð með þessum slysum. Annað sem við erum að sjá líka á þessu ári eru slys sem má skýra með veikindum, bæði andlegum og líkamlegum veikindum og vegna eldri ökumanna. Þannig að þetta er aðeins frábrugðin mynd frá því sem við höfum séð hin fyrri ár.“Smári Sveinsson uppfærði tölu látinna á skiltinu við Sandskeið í dag. Hann hefur sinnt því starfi í áraraðir.„Vinna sem maður vill síst fá“ Smári Sveinsson er maðurinn sem annast skiltið á Sandskeið sem heldur utan um fjölda látinna. Fréttastofa hitti á Smára þegar hann hækkaði töluna í sextán í dag, vegna ferðamanns sem lést í Öræfasveit á öðrum degi jóla. „Ég er búinn að koma hérna í þónokkur ár. Maður fær upphringingu svona annað slagið. Of oft,“ segir Smári. „Þetta er eiginlega vinna sem maður vill síst fá.“ Smári segist tvisvar sinnum hafa þurft að setja upp hærri tölu vegna fólks sem hann þekkti sjálfur persónulega. Hann hefur því miður þurft að gera sér mun fleiri ferðir að skiltinu í ár en í fyrra, síðast á aðfangadag, og segir að skrefin séu sérstaklega þung þegar banaslys verða yfir hátíðarnar. „Þetta hefur ekki skeð lengi að svona mörg slys verði eins og í ár og þetta kom bara í runu núna, í desember má segja. Það var lengi vel átta og síðan hefur þetta hlaðist upp. Tvöfaldast.“Ágúst Mogensen segir að aðeins frábrugðin mynd sé á banaslysum í ár miðað við fyrri ár. Rannsaka þurfi hvernig unnt sé að bregðast við þróuninni.Áfram stefnt að fækkun banaslysa Rannsóknarnefnd umferðarslysa mun nú greina slysin sem urðu á árinu til að sjá hvernig hægt er að bregðast við fjölguninni. Ágúst segir ástæðulaust að standa ráðþrota gagnvart banaslysum og vísar til umferðaröryggisáætlunar stjórnvalda, sem nær fram til ársins 2022. Meginmarkmið hennar eru tvö:-Að fjöldi látinna og alvarlegra slasaðra í umferðinni lækki um 5% á ári fram til ársins 2022-Að fjöldi látinna í umferðinni á hverjua 100.000 íbúa verði ekki meiri en best gerist í heiminum árið 2022 „Við getum bætt forvarnir, bætt merkingar í vegakerfinu og reynt að ná betur til erlendu ferðamannanna,“ nefnir Ágúst sem dæmi um fyrirbyggjandi aðgerðir í takti við þróunina. „Við lítum svo á að það megi fækka alvarlegum slysum og banaslysum. Við höfum séð af reynslu að það er hægt og viljum stefna í þá átt áfram.“
Ferðamennska á Íslandi Mest lesið Eiginmaður íslenskrar konu lét sig hverfa rétt eftir brúðkaupið Innlent „Það er ódýrast og best og fljótlegast að kála þessum dýrum“ Innlent Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Hafa „góða hugmynd“ hvar og hvenær stúlkunni var ráðinn bani Innlent Kona réðst að sjö ára dreng við Smáraskóla Innlent Skerjafjarðarskáldið krefst afsökunarbeiðni – annars fer það í mál Innlent Yazan afar létt að vera ekki vísað frá landi Innlent Kona á níræðisaldri sá björninn í þriggja metra fjarlægð Innlent Fleiri fréttir Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Sjá meira