Critics Choice: Rauði dregillinn

Tuttugustu og fyrstu Critics Choice awards voru haldin hátíðleg í Santa Monica í Kaliforníu í gær, en þar velja gagnrýnendur þá leikara sem þeim finnst hafa skarað frammúr á árinu í kvikmyndum og sjónvarpsþáttum.

Leonardo Di Caprio og Brie Larsson hlutu verðlaun fyrir besta leik í aðalhlutverki, og Alicia Vikander og Sylvester Stallone hlutu verðlaun sem aukaleikarar.

Spotlight var valin besta myndin, en það var hinsvegar kvikmyndin Mad Max: Fury Road sem hlaut flest verðlaun, þar á meðal fyrir bestu leikstjórn.

Á rauða dreglinum, sem reyndar var blár í þetta skiptið, var svartur áberandi ásamt vínrauðum og hvítum.