Bandý-strákarnir byrjuðu mjög illa en unnu síðasta leikhlutann

Íslenska karlalandsliðið í bandý tapaði með sex mörkum á móti Rússum í fyrsta leik sínum í undankeppni heimsmeistaramótsins en riðill íslenska liðsins fer fram í Slóvakíu.

Ísland tapaði 12-6 á móti Rússlandi eftir að hafa verið 6-0 undir eftir fyrsta leikhlutann og 8-0 undir eftir 32 mínútna leik.

Íslensku strákarnir unnu síðustu 28 mínúturnar 6-4 og þar á meðal lokaleikhlutann 4-3.

Mörk íslenska liðsins í þessum fyrsta leik liðins á HM skoruðu þeir Andreas Stefansson (2), Andy Nilsson (2) og Kristian Magnusson en sjötta markið var sjálfsmark hjá Rússunum.

Íslenska liðið réð lítið við Nikita Bryn sem skoraði fernu í leiknum. Það er hægt að sjá alla tölfræði leiksins hér.

Næsti leikur íslenska liðsins er á móti heimamönnum í Slóvakíu annað kvöld.  Ísland er í riðli með Svíum, Slóvökum, Belgum og Frökkum auk Rússa. Spilaður er einn leikur á dag en síðasti leikur Íslands er gegn Belgum 7. febrúar.

Það er hægt að horfa á allan leikinn við Rússland hér fyrir neðan.



Lið Íslands er þannig skipað:

1. Sölvi Rúnar Vignisson (markvörður)

2. Arnar Þórðarson (varnarmaður)

4. Bergsveinn Snorrason (varnarmaður)

6. Magnús Marteinsson (framherji)

7. Benedikt Sigurleifsson (framherji)

9. Kristian Magnusson (framherji)

10. Andreas Stefansson (framherji)

13. Martin Bruss Smedlund (framherji)

14. Niklas Jan Dahlstrom (varnarmaður)

15. Þorfinnur Hannesson (varnarmaður)

16. Robert Pajdak (framherji)

18. Atli Þór Hannesson (varnarmaður)

21. Tryggvi Stefánsson (markvörður)

22. Kristinn Jósep Kristinsson (varnarmaður)

23. Haraldur Þórir Húgósson (framherji)

26. Þórarinn Fannar Þórarinsson (framherji)

28. Jens Alengard (varnarmaður)

92. Andy Nilsson (framherji)

95. Ólafur Björgvin Sveinsson (framherji)

96. Arnar Bragi Ingason (framherji)

Þjálfarateymi

101. Kristinn Björgvinsson (liðsstjóri)

102. Elmar Guðbrandsson (yfirþjálfari)

103. Jóhann Guðbrandsson (þjálfari)

107. Gunnar Gils Kristinsson (liðsstjóri)