Öruggt gull hjá Hafdísi í langstökkinu

Hafdís Sigurðardóttir heldur áfram að bæta í gullskápinn á Meistaramóti Ísland í frjálsum íþróttum innanhúss, en keppnin fer fram í Laugardalshöllinni um helgina.

Fyrr í dag vann Hafdís til gullverðlauna í 60 metra hlaupi kvenna, en hún stökk 6,34 metra í langstökki nú fyrir skömmu og stökk tæpan  metra lengra en Vilborg María Loftsdóttir sem varð í öðru sæti.

Breiðablik eignaðist Íslandsmeistara í kúluvarpi en þar kastaði Irma Gunnarsdóttir lengst eða 12,78 metra. Thelma Lind Kristjánsdóttir kom næst með 12,63 metra.

Í hástökki var Þórdís Eva Steinsdóttir, hin unga og efnilega stúlka úr FH, hlutskörpust, en hún stökk 1,68 metra. María Rún Gunnlaugsdóttir og Helga Þóra Sigurjónsdóttir komu næstar.