Umfjöllun og viðtöl: Afturelding - ÍBV 28-28 | Afturelding náði þriðja sætinu Guðmundur Marinó Ingvarsson í TM-höllinni að Varmá skrifar 31. mars 2016 14:43 Árni Bragi Eyjólfsson, leikmaður Aftureldingar. vísir/stefán Afturelding og ÍBV gerðu jafntefli 28-28 í síðustu umferð Olís deildar karla í handbolta í Mosfellsbæ í kvöld. Afturelding endar því í þriðja sæti og ÍBV í því fjórða. Það var ljóst á leik beggja liða allt frá byrjun að bæði lið vildu þriðja sætið. Þó nokkur hraði var í leiknum frá upphafi og ágæt barátta. Baráttan var þó örlítið of mikil þegar Hrafn Ingvarsson fékk beint rautt spjald eftir aðeins átta mínútna leik. Hrafn fór full harkalega í andlit Andra Heimis Friðrikssonar og var heiðarleikinn uppmálaður þegar hann játaði og gekkst við broti sínu. Vörn Aftureldingar mátti illa við því að missa Hrafn því liðið lék án Böðvars Páls Ásgeirssonar sem er meiddur. Afturelding var með frumkvæðið í leiknum meira og minna allan leikinn en ÍBV beit hressilega frá sér bæði undir lok fyrri hálfleiks og lok leiksins. Jafnt var í hálfleik, 15-15, en Afturelding náði mest fimm marka forystu í seinni hálfleik sem ÍBV vann næsta auðveldlega upp þegar tilraunir Aftureldingar með að leika með sjö sóknarmenn fóru illa og ÍBV skoraði tvö mörk í tómt markið auk þess að fara illa með þriðja skotið yfir völlinn. ÍBV komst yfir þegar skammt var til leiksloka en rétt rúmlega 20 sekúndum fyrir leikslok náði Mikk Pinnonen að jafna metin. Pálmar Pétursson varði svo síðasta skot ÍBV og tryggði Aftureldingu þriðja sætið en Afturelding mætir FH í fyrstu umferð úrslitakeppninnar. ÍBV hélt fjórða sætinu og á því heimavallarréttinn gegn Gróttu í fyrstu umferðinn en ÍBV, Grótta og FH enduðu öll með jafn mörg stig, tveimur stigum á eftir Aftureldingu. Árni Bragi: Eina sem skiptir máli er þriðja sætið„Það eina sem skiptir máli núna er að við tókum þriðja sætið,“ sagði sáttur Árni Bragi Eyjólfsson hægri hornamaður Aftureldingar eftir jafnteflið í kvöld. „Við settum okkur það sem markmið þegar það var enginn séns að ná efstu tveim að lenda eins ofarlega og við gátum. Það er gott að fara með heimaleikjaréttinn inn í úrslitakeppnina.“ Afturelding hefði ekki getað lent neðar en fjórða sæti og því var minna í húfi fyrir liðið en ÍBV þó það hafi ekki sést á leik liðsins. „ÍBV er þvílíkt karakterslið en við förum illa með góða stöðu. Við komumst í 24-19 og missum það niður á tveim, þrem mínútum. „Þessi leikur skipti ekki höfuðmáli og við ákváðum að prófa nýja hluti og menn sem hafa ekki verið að spila mikið í vetur fengu fullt af mínútum. Við nýttum leikinn mjög vel og stigið er gott. „Ég heyrði það strax eftir leik að ef við hefðum unnið þá þá hefðum við fengið ÍBV í átta liða úrslitum,“ sagði Árni en Afturelding mætir FH í úrslitakeppninni. „Það skiptir engu máli hvaða liði við mætum. Ef maður ætlar alla leið þá þarf maður hvort eð er að vinna alla.“ Theodór: Getum miklu meira„Við vildum vinna og ná þriðja sætinu, alveg klárlega,“ sagði Theodór Sigurbjörnsson hægri hornamaður ÍBV. „Það var aðeins of mikil sveifla hjá okkur í seinni hálfleik en það var karakter að koma til baka og við hefðum átt að vinna þetta í lokin.“ ÍBV lenti fimm mörkum undir í seinni hálfleik en var engu að síður marki yfir þegar 40 sekúndur voru eftir af leiknum. „Þetta er að gerast of oft hjá okkur. Það fer mikið púður í að vinna upp forskot. En við erum orðnir góðir í því. „Það hefði verið flott að ná þriðja sætinu. Það er gaman að horfa á töfluna og sjá það en við lendum í fjórða sæti og fáum heimaleikjaréttinn. Það skiptir öllu máli,“ sagði Theodór en ÍBV fær Gróttu í fyrstu umferð úrslitakeppninnar. „Nú byrjar nýtt mót þar sem er miklu meira undir. Það skiptir engu hvaða liði við mætum.“ ÍBV var spáð deildarmeistaratitlinum fyrir mót og er Theodór alls ekki sáttur við að liðið hafi endað í fjórða sæti deildarinnar. „Ég er ekki sáttur. Við getum miklu meira og getum spilað betri handbolta.“ Olís-deild karla Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Varamaðurinn tryggði meisturunum dramatískt stig Enski boltinn „Hundrað kílómetrar að drepast úr sýkingu er bara fínt“ Sport Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn Albert skoraði tvö í fyrsta leiknum fyrir Fiorentina Fótbolti Bellingham kallaði dómarann skíthæl Fótbolti Sögulegur dagur er Thelma sópaði til sín gullverðlaunum Sport Thelma Norður-Evrópumeistari í stökki Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
Afturelding og ÍBV gerðu jafntefli 28-28 í síðustu umferð Olís deildar karla í handbolta í Mosfellsbæ í kvöld. Afturelding endar því í þriðja sæti og ÍBV í því fjórða. Það var ljóst á leik beggja liða allt frá byrjun að bæði lið vildu þriðja sætið. Þó nokkur hraði var í leiknum frá upphafi og ágæt barátta. Baráttan var þó örlítið of mikil þegar Hrafn Ingvarsson fékk beint rautt spjald eftir aðeins átta mínútna leik. Hrafn fór full harkalega í andlit Andra Heimis Friðrikssonar og var heiðarleikinn uppmálaður þegar hann játaði og gekkst við broti sínu. Vörn Aftureldingar mátti illa við því að missa Hrafn því liðið lék án Böðvars Páls Ásgeirssonar sem er meiddur. Afturelding var með frumkvæðið í leiknum meira og minna allan leikinn en ÍBV beit hressilega frá sér bæði undir lok fyrri hálfleiks og lok leiksins. Jafnt var í hálfleik, 15-15, en Afturelding náði mest fimm marka forystu í seinni hálfleik sem ÍBV vann næsta auðveldlega upp þegar tilraunir Aftureldingar með að leika með sjö sóknarmenn fóru illa og ÍBV skoraði tvö mörk í tómt markið auk þess að fara illa með þriðja skotið yfir völlinn. ÍBV komst yfir þegar skammt var til leiksloka en rétt rúmlega 20 sekúndum fyrir leikslok náði Mikk Pinnonen að jafna metin. Pálmar Pétursson varði svo síðasta skot ÍBV og tryggði Aftureldingu þriðja sætið en Afturelding mætir FH í fyrstu umferð úrslitakeppninnar. ÍBV hélt fjórða sætinu og á því heimavallarréttinn gegn Gróttu í fyrstu umferðinn en ÍBV, Grótta og FH enduðu öll með jafn mörg stig, tveimur stigum á eftir Aftureldingu. Árni Bragi: Eina sem skiptir máli er þriðja sætið„Það eina sem skiptir máli núna er að við tókum þriðja sætið,“ sagði sáttur Árni Bragi Eyjólfsson hægri hornamaður Aftureldingar eftir jafnteflið í kvöld. „Við settum okkur það sem markmið þegar það var enginn séns að ná efstu tveim að lenda eins ofarlega og við gátum. Það er gott að fara með heimaleikjaréttinn inn í úrslitakeppnina.“ Afturelding hefði ekki getað lent neðar en fjórða sæti og því var minna í húfi fyrir liðið en ÍBV þó það hafi ekki sést á leik liðsins. „ÍBV er þvílíkt karakterslið en við förum illa með góða stöðu. Við komumst í 24-19 og missum það niður á tveim, þrem mínútum. „Þessi leikur skipti ekki höfuðmáli og við ákváðum að prófa nýja hluti og menn sem hafa ekki verið að spila mikið í vetur fengu fullt af mínútum. Við nýttum leikinn mjög vel og stigið er gott. „Ég heyrði það strax eftir leik að ef við hefðum unnið þá þá hefðum við fengið ÍBV í átta liða úrslitum,“ sagði Árni en Afturelding mætir FH í úrslitakeppninni. „Það skiptir engu máli hvaða liði við mætum. Ef maður ætlar alla leið þá þarf maður hvort eð er að vinna alla.“ Theodór: Getum miklu meira„Við vildum vinna og ná þriðja sætinu, alveg klárlega,“ sagði Theodór Sigurbjörnsson hægri hornamaður ÍBV. „Það var aðeins of mikil sveifla hjá okkur í seinni hálfleik en það var karakter að koma til baka og við hefðum átt að vinna þetta í lokin.“ ÍBV lenti fimm mörkum undir í seinni hálfleik en var engu að síður marki yfir þegar 40 sekúndur voru eftir af leiknum. „Þetta er að gerast of oft hjá okkur. Það fer mikið púður í að vinna upp forskot. En við erum orðnir góðir í því. „Það hefði verið flott að ná þriðja sætinu. Það er gaman að horfa á töfluna og sjá það en við lendum í fjórða sæti og fáum heimaleikjaréttinn. Það skiptir öllu máli,“ sagði Theodór en ÍBV fær Gróttu í fyrstu umferð úrslitakeppninnar. „Nú byrjar nýtt mót þar sem er miklu meira undir. Það skiptir engu hvaða liði við mætum.“ ÍBV var spáð deildarmeistaratitlinum fyrir mót og er Theodór alls ekki sáttur við að liðið hafi endað í fjórða sæti deildarinnar. „Ég er ekki sáttur. Við getum miklu meira og getum spilað betri handbolta.“
Olís-deild karla Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Varamaðurinn tryggði meisturunum dramatískt stig Enski boltinn „Hundrað kílómetrar að drepast úr sýkingu er bara fínt“ Sport Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn Albert skoraði tvö í fyrsta leiknum fyrir Fiorentina Fótbolti Bellingham kallaði dómarann skíthæl Fótbolti Sögulegur dagur er Thelma sópaði til sín gullverðlaunum Sport Thelma Norður-Evrópumeistari í stökki Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira