Aukafréttatími Stöðvar 2 í hádeginu

Fréttastofa Stöðvar 2 verður með aukafréttatíma í hádeginu klukkan tólf þar sem flutt verða nýjustu tíðindi af stöðu mála í íslenskum stjórnmálum.

Bjarni Benediktsson fjármálaráðherra og formaður Sjálfstæðisflokksins, og Sigurður Ingi Jóhannsson, sjávarútvegsráðherra og varaformaður Framsóknarflokksins, eiga í viðræðum um áframhaldandi samstarf flokkanna í ríkisstjórn.

Fréttatíminn verður í beinni útsendingu á samtengdum rásum Stöðvar 2 og Bylgjunnar. Fréttatíminn verður einnig í beinni útsendingu hér á Vísi. 

Uppfært: Upptaka af útsendingunni er aðgengileg í spilaranum hér að neðan.