Gamli og nýi Daði – eins og gamla og nýja Ísland

Daði Guðbjörnsson myndlistarmaður opnar sýningu í Galleríi Gróttu á Eiðistorgi á morgun, fimmtudag klukkan 17. Hún nefnist Ferð andans í frumskógi efnisins og þar kannar Daði nýjar lendur listarinnar.

„Ég er að prófa nýja aðferð, vinn með ljósmyndir sem ég hef tekið, prenta þær á striga og mála ofan í þær. Þannig að myndirnar sem ég er að sýna núna eru blanda af ljósmynd og málverki,“ segir hann brattur og kveðst sem sagt vera bæði ljósmyndarinn Daði og listmálarinn Daði. „Svolítið gamli og nýi Daði – alveg eins og gamla og nýja Ísland,“ bætir hann við. „Segi’ði svo að ég sé ekki með puttann á púlsinum!“

Hann kveðst hafa hitt konu sem hældi honum fyrir hvað litirnir í myndunum væru bjartir og fallegir. „Ég sagði henni að svona yrði Ísland þegar þetta moldviðri væri búið sem við værum að ganga í gegnum núna. Þannig að ef fólk vill horfa inn í framtíðina þá ætti það koma á sýninguna.“

Vert er að taka fram að sýningin í Galleríi Gróttu stendur til 29. apríl og allir eru velkomnir.

Greinin birtist fyrst í Fréttablaðinu 6. apríl.

„Ég er að prófa nýja aðferð, vinn með ljósmyndir sem ég hef tekið, prenta þær á striga og mála ofan í þær. Þannig að myndirnar sem ég er að sýna núna eru blanda af ljósmynd og málverki,“ segir hann brattur og kveðst sem sagt vera bæði ljósmyndarinn Daði og listmálarinn Daði. „Svolítið gamli og nýi Daði – alveg eins og gamla og nýja Ísland,“ bætir hann við. „Segi’ði svo að ég sé ekki með puttann á púlsinum!“

Hann kveðst hafa hitt konu sem hældi honum fyrir hvað litirnir í myndunum væru bjartir og fallegir. „Ég sagði henni að svona yrði Ísland þegar þetta moldviðri væri búið sem við værum að ganga í gegnum núna. Þannig að ef fólk vill horfa inn í framtíðina þá ætti það koma á sýninguna.“

Vert er að taka fram að sýningin í Galleríi Gróttu stendur til 29. apríl og allir eru velkomnir.