Frakklandsforseti fagnar Panamaskjölunum

Francois Hollande, forseti Frakklands, fagnar lekanum á Panamaskjölunum svokölluðu sem nú eru til umfjöllunar um allan heim. Í skjölunum er ljóstrað upp um aflandsfélög fólks í skattaskjólum erlendis. Þetta kom fram í máli Hollande í morgun.

„Ég get fullvissað ykkur um að eftir því sem upplýsingarnar koma fram þá munu fara fram rannsóknir, mál verða stofnuð og dómsmál höfðuð,“ hafa erlendir miðlar á borð við ITV eftir Frakklandsforsetanum.

„Uppljóstrunin eru góðar fréttir því þær munu auka skatttekjur úr vösum þeirra sem svindla.“