Umfjöllun, viðtöl og myndir: FH - Afturelding 24-26 | Mosfellingar sendu FH í sumarfrí Kristinn Páll Teitsson í Kaplakrika skrifar 17. apríl 2016 22:15 Pétur Júníusson fagnar einu af sex mörkum sínum. vísir/vilhelm Afturelding bókaði sæti sitt í undanúrslitum Íslandsmótsins og sendi um leið FH-inga í sumarfrí með 26-24 sigri í Kaplakrika í kvöld. Leikurinn var jafn og spennandi allt fram að lokamínútum líkt og fyrsti leikur liðanna í Mosfellsbænum. Skiptust liðin á forskotinu í fyrri hálfleik en Mosfellingar voru sterkari aðilinn í seinni hálfleik. FH náði að jafna metin skömmu fyrir lok leiksins eftir að hafa verið þremur mörkum undir en taugar Mosfellinga reyndust vera sterkari á lokakaflanum og náðu gestirnir að sigla sigrinum heim. Allt annað en sigur fyrir FH-inga þýddi að liðið væri komið í sumarfrí eftir nauman sigur Aftureldingar í fyrsta leik liðanna í Mosfellsbæ á dögunum en FH hafði aðeins unnið einn leik af fjórum á milli liðanna í vetur fyrir leik kvöldsins. Það vantaði aðalþjálfara beggja liðanna í kvöld eftir að þeir voru dæmdir í eins leiks bann af aganefnd HSÍ vegna óíþróttamannslegrar framkomu gagnvart dómurunum eftir fyrsta leik liðanna á fimmtudaginn síðasta. Leikurinn var afar kaflaskiptur í fyrri hálfleik og skiptust liðin á forskotinu eftir því. Ásbjörn Friðriksson bar sóknarleik FH á herðum sér framan af og skoraði fimm af fyrstu sjö mörkum liðsins í fyrri hálfleik en það voru einu mörk hans í leiknum. FH náði um tíma þriggja marka forskoti í fyrri hálfleik 11-8 þegar níu mínútur voru eftir af fyrri hálfleik en Mosfellingar hertu þá takið í varnarleiknum og tóku eins marks forskot inn í hálfleikinn 13-12. FH-ingar náðu forskotinu á ný á upphafsmínútum seinni hálfleiks en þá tóku leikmenn Aftureldingar aftur við sér. Náðu þeir að breyta stöðunni úr 14-16 í 21-18 á tíu mínútna kafla og virtust Mosfellingar ætla að sigla sigrinum nokkuð örugglega heim þegar tíu mínútur voru til leiksloka. FH-ingar neituðu hinsvegar að gefast upp og náðu að jafna metin á skömmum tíma og var því allt í járnum fyrir síðustu fimm mínútur leiksins. Þá reyndust taugar Mosfellinga einfaldlega sterkari og náði Jóhann Gunnar Einarsson að klára einvígið þegar hann kom Aftureldingu 26-24 yfir á lokamínútu leiksins. FH-ingar höfðu ekki tíma til að ógna forskoti Mosfellinga eftir mark Jóhanns og lauk leiknum því með tveggja marka sigri Aftureldingar sem sendu FH-inga með sigrinum í sumarfrí eftir spennandi einvígi. Pétur Júníusson og Árni Bragi Eyjólfsson voru atkvæðamestir í liði Aftureldingar með sex mörk hvor en í liði heimamanna var það Einar Rafn Eiðsson sem var markahæstur með sex mörk. Í marki gestanna stóð Davíð Svansson vakt sína með prýði en hann varði 18 af 42 skotum FH-inga, alls 42,8% markvarsla en Ágúst Elí Björgvinsson í marki FH lauk leik með 16 varin skot, þar af tvö víti. Jóhann: Pílur í gangi um að þjálfarar séu að skalla menn„Þetta var ótrúlega seigur sigur á mjög erfiðum útivelli. Það var erfitt að spila þennan leik því FH-ingar neituðu að gefast upp,“ sagði Jóhann Gunnar Einarsson, leikmaður Aftureldingar, kátur að leikslokum. „Við vorum með frumkvæðið, sérstaklega í seinni hálfleik en þeir náðu að jafna strax eftir að við náðum þriggja marka forskoti. Svo datt þetta eigilega bara fyrir okkur eins og oft gerist í leikjum í úrslitakeppninni,“ sagði Jóhann og bætti við: „Það er oft þannig í úrslitakeppninni, hlutirnir detta fyrir annað liðið þótt það sé ekki mikill munur á þeim. Það voru bæði lið að spila fína vörn, markmennirnir öflugir og flott mörk þar á milli.“ Með sigrinum bókuðu Mosfellingar sæti sitt í undanúrslitum og sendu FH-inga um leið í sumarfrí. „Það getur ekki verið tilviljun, við nýttum reynsluna undir lokin og höfðum það sem þurfti til að koma okkur yfir línuna. Við vorum mikið í þessu í fyrra að vinna þessa tæpu leiki og það gerði kannski útslagið hérna í kvöld.“ Jóhann gerði út um leikinn með marki þegar stutt var til leiksloka. „Það var ótrúlega skemmtilegt. Það eru komnir góðir tveir mánuðir síðan ég reyndi síðast undirhandarskot og að ná honum svona í fjærhornið er frábært. Þetta setti punktinn yfir i-ið og núna fáum við smá hvíld fyrir næsta verkefni.“ Jóhann kvaðst ekki hafa séð Einar Andra í stúkunni en hann sá léttu hliðina á ákvörðun aganefndar HSÍ. „Ég sá hann svosem ekki í stúkunni en ég hef gaman af svona hlutum. Eitthvað öðruvísi og umræður í gangi um þetta. Pílur í gangi um að þjálfari hafi hótað að skalla menn. Þetta var skrýtið þegar fréttirnar bárust en mér fannst þetta ekki hafa nein áhrif á spilamennskunni.“ Ágúst Elí: Afturelding betri í einföldu hlutunum„Við erum fyrst og fremst svekktir. Þetta er sárt þegar þú lítur til þess hversu jafnt þetta var í þessu einvígi,“ sagði Ágúst Elí Björgvinsson, markvörður FH, svekktur að leikslokum í kvöld. „Afturelding var einfaldlega betri í einföldu hlutunum í kvöld og þeir unnu okkur á nokkrum einföldum hlutum sem við klikkum á á lokamínútum leiksins.“ Ágúst var ósáttur með ákvörðun aganefndar HSÍ sem dæmdi þjálfara beggja liða í bann fyrir óíþróttamannslega framkomu eftir fyrsta leik liðanna en hann sagði það ekki hafa haft áhrif á undirbúninginn. „Þetta hafði ekki áhrif á undirbúninginn en mér fannst þetta skrýtin ákvörðun. Það eru hinsvegar ekki þjálfararnir sem dæma leikinn heldur við leikmennirnir og við þurftum að mæta einbeittir til leiks.“ Ágúst var ánægður með spilamennskuna í heild sinni en segir að FH-ingar hefðu mátt breyta varnarleiknum fyrr. „Við misstum dampinn í smástund en náðum að vinna okkur aftur inn í leikinn fyrir lokin. Við hefðum mátt breyta vörninni fyrr í kvöld og það er frekar svekkjandi þegar þú hugsar út í það eftirá,“ sagði Ágúst. Einar Andri: Neita því ekki að þetta var erfitt„Mér leið bara vel, liðið var í frábærum höndum hjá Daða og Hauki en ég neita því ekki að þetta var erfitt,“ sagði Einar Andri Einarsson, þjálfari Aftureldingar, sáttur að leikslokum. Einar Andri þurfti að sitja upp í stúku í dag en þjálfarar beggja liða tóku út leikbann í dag eftir úrskurð dómaranefndar HSÍ. Voru hann og Halldór Jóhann Sigfússon, þjálfari FH, dæmdir í bann fyrir óíþróttamannslega framkomu eftir leik liðanna á fimmtudaginn síðastliðinn. „Það var erfitt að vera upp í stúku en ég hafði fulla trú á því að strákarnir myndu klára þetta rétt eins og þeir gerðu.“ Einar sagði bannið og umræðuna í kring um það ekki hafa haft áhrif á liðið. „Þetta hafði engin veruleg áhrif, við fórum vel yfir málin og strákarnir mættu einbeittir til leiks. Við erum með leikmenn sem hafa reynslu af leikjum eins og þessum í bland við unga stráka en ég vissi að spennustigið yrði hátt.“ Einari fannst sigurinn verðskuldaður. „Þetta var kaflaskipt en við höfðum frumkvæðið í leiknum. Við vorum að spila við frábært lið sem hefur spilað vel í vetur og við þurftum á frábærri framistöðu að halda til þess að klára þetta í kvöld.“ Mynd/Vísir Olís-deild karla Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Varamaðurinn tryggði meisturunum dramatískt stig Enski boltinn „Hundrað kílómetrar að drepast úr sýkingu er bara fínt“ Sport Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn Albert skoraði tvö í fyrsta leiknum fyrir Fiorentina Fótbolti Bellingham kallaði dómarann skíthæl Fótbolti Sögulegur dagur er Thelma sópaði til sín gullverðlaunum Sport Thelma Norður-Evrópumeistari í stökki Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
Afturelding bókaði sæti sitt í undanúrslitum Íslandsmótsins og sendi um leið FH-inga í sumarfrí með 26-24 sigri í Kaplakrika í kvöld. Leikurinn var jafn og spennandi allt fram að lokamínútum líkt og fyrsti leikur liðanna í Mosfellsbænum. Skiptust liðin á forskotinu í fyrri hálfleik en Mosfellingar voru sterkari aðilinn í seinni hálfleik. FH náði að jafna metin skömmu fyrir lok leiksins eftir að hafa verið þremur mörkum undir en taugar Mosfellinga reyndust vera sterkari á lokakaflanum og náðu gestirnir að sigla sigrinum heim. Allt annað en sigur fyrir FH-inga þýddi að liðið væri komið í sumarfrí eftir nauman sigur Aftureldingar í fyrsta leik liðanna í Mosfellsbæ á dögunum en FH hafði aðeins unnið einn leik af fjórum á milli liðanna í vetur fyrir leik kvöldsins. Það vantaði aðalþjálfara beggja liðanna í kvöld eftir að þeir voru dæmdir í eins leiks bann af aganefnd HSÍ vegna óíþróttamannslegrar framkomu gagnvart dómurunum eftir fyrsta leik liðanna á fimmtudaginn síðasta. Leikurinn var afar kaflaskiptur í fyrri hálfleik og skiptust liðin á forskotinu eftir því. Ásbjörn Friðriksson bar sóknarleik FH á herðum sér framan af og skoraði fimm af fyrstu sjö mörkum liðsins í fyrri hálfleik en það voru einu mörk hans í leiknum. FH náði um tíma þriggja marka forskoti í fyrri hálfleik 11-8 þegar níu mínútur voru eftir af fyrri hálfleik en Mosfellingar hertu þá takið í varnarleiknum og tóku eins marks forskot inn í hálfleikinn 13-12. FH-ingar náðu forskotinu á ný á upphafsmínútum seinni hálfleiks en þá tóku leikmenn Aftureldingar aftur við sér. Náðu þeir að breyta stöðunni úr 14-16 í 21-18 á tíu mínútna kafla og virtust Mosfellingar ætla að sigla sigrinum nokkuð örugglega heim þegar tíu mínútur voru til leiksloka. FH-ingar neituðu hinsvegar að gefast upp og náðu að jafna metin á skömmum tíma og var því allt í járnum fyrir síðustu fimm mínútur leiksins. Þá reyndust taugar Mosfellinga einfaldlega sterkari og náði Jóhann Gunnar Einarsson að klára einvígið þegar hann kom Aftureldingu 26-24 yfir á lokamínútu leiksins. FH-ingar höfðu ekki tíma til að ógna forskoti Mosfellinga eftir mark Jóhanns og lauk leiknum því með tveggja marka sigri Aftureldingar sem sendu FH-inga með sigrinum í sumarfrí eftir spennandi einvígi. Pétur Júníusson og Árni Bragi Eyjólfsson voru atkvæðamestir í liði Aftureldingar með sex mörk hvor en í liði heimamanna var það Einar Rafn Eiðsson sem var markahæstur með sex mörk. Í marki gestanna stóð Davíð Svansson vakt sína með prýði en hann varði 18 af 42 skotum FH-inga, alls 42,8% markvarsla en Ágúst Elí Björgvinsson í marki FH lauk leik með 16 varin skot, þar af tvö víti. Jóhann: Pílur í gangi um að þjálfarar séu að skalla menn„Þetta var ótrúlega seigur sigur á mjög erfiðum útivelli. Það var erfitt að spila þennan leik því FH-ingar neituðu að gefast upp,“ sagði Jóhann Gunnar Einarsson, leikmaður Aftureldingar, kátur að leikslokum. „Við vorum með frumkvæðið, sérstaklega í seinni hálfleik en þeir náðu að jafna strax eftir að við náðum þriggja marka forskoti. Svo datt þetta eigilega bara fyrir okkur eins og oft gerist í leikjum í úrslitakeppninni,“ sagði Jóhann og bætti við: „Það er oft þannig í úrslitakeppninni, hlutirnir detta fyrir annað liðið þótt það sé ekki mikill munur á þeim. Það voru bæði lið að spila fína vörn, markmennirnir öflugir og flott mörk þar á milli.“ Með sigrinum bókuðu Mosfellingar sæti sitt í undanúrslitum og sendu FH-inga um leið í sumarfrí. „Það getur ekki verið tilviljun, við nýttum reynsluna undir lokin og höfðum það sem þurfti til að koma okkur yfir línuna. Við vorum mikið í þessu í fyrra að vinna þessa tæpu leiki og það gerði kannski útslagið hérna í kvöld.“ Jóhann gerði út um leikinn með marki þegar stutt var til leiksloka. „Það var ótrúlega skemmtilegt. Það eru komnir góðir tveir mánuðir síðan ég reyndi síðast undirhandarskot og að ná honum svona í fjærhornið er frábært. Þetta setti punktinn yfir i-ið og núna fáum við smá hvíld fyrir næsta verkefni.“ Jóhann kvaðst ekki hafa séð Einar Andra í stúkunni en hann sá léttu hliðina á ákvörðun aganefndar HSÍ. „Ég sá hann svosem ekki í stúkunni en ég hef gaman af svona hlutum. Eitthvað öðruvísi og umræður í gangi um þetta. Pílur í gangi um að þjálfari hafi hótað að skalla menn. Þetta var skrýtið þegar fréttirnar bárust en mér fannst þetta ekki hafa nein áhrif á spilamennskunni.“ Ágúst Elí: Afturelding betri í einföldu hlutunum„Við erum fyrst og fremst svekktir. Þetta er sárt þegar þú lítur til þess hversu jafnt þetta var í þessu einvígi,“ sagði Ágúst Elí Björgvinsson, markvörður FH, svekktur að leikslokum í kvöld. „Afturelding var einfaldlega betri í einföldu hlutunum í kvöld og þeir unnu okkur á nokkrum einföldum hlutum sem við klikkum á á lokamínútum leiksins.“ Ágúst var ósáttur með ákvörðun aganefndar HSÍ sem dæmdi þjálfara beggja liða í bann fyrir óíþróttamannslega framkomu eftir fyrsta leik liðanna en hann sagði það ekki hafa haft áhrif á undirbúninginn. „Þetta hafði ekki áhrif á undirbúninginn en mér fannst þetta skrýtin ákvörðun. Það eru hinsvegar ekki þjálfararnir sem dæma leikinn heldur við leikmennirnir og við þurftum að mæta einbeittir til leiks.“ Ágúst var ánægður með spilamennskuna í heild sinni en segir að FH-ingar hefðu mátt breyta varnarleiknum fyrr. „Við misstum dampinn í smástund en náðum að vinna okkur aftur inn í leikinn fyrir lokin. Við hefðum mátt breyta vörninni fyrr í kvöld og það er frekar svekkjandi þegar þú hugsar út í það eftirá,“ sagði Ágúst. Einar Andri: Neita því ekki að þetta var erfitt„Mér leið bara vel, liðið var í frábærum höndum hjá Daða og Hauki en ég neita því ekki að þetta var erfitt,“ sagði Einar Andri Einarsson, þjálfari Aftureldingar, sáttur að leikslokum. Einar Andri þurfti að sitja upp í stúku í dag en þjálfarar beggja liða tóku út leikbann í dag eftir úrskurð dómaranefndar HSÍ. Voru hann og Halldór Jóhann Sigfússon, þjálfari FH, dæmdir í bann fyrir óíþróttamannslega framkomu eftir leik liðanna á fimmtudaginn síðastliðinn. „Það var erfitt að vera upp í stúku en ég hafði fulla trú á því að strákarnir myndu klára þetta rétt eins og þeir gerðu.“ Einar sagði bannið og umræðuna í kring um það ekki hafa haft áhrif á liðið. „Þetta hafði engin veruleg áhrif, við fórum vel yfir málin og strákarnir mættu einbeittir til leiks. Við erum með leikmenn sem hafa reynslu af leikjum eins og þessum í bland við unga stráka en ég vissi að spennustigið yrði hátt.“ Einari fannst sigurinn verðskuldaður. „Þetta var kaflaskipt en við höfðum frumkvæðið í leiknum. Við vorum að spila við frábært lið sem hefur spilað vel í vetur og við þurftum á frábærri framistöðu að halda til þess að klára þetta í kvöld.“ Mynd/Vísir
Olís-deild karla Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Varamaðurinn tryggði meisturunum dramatískt stig Enski boltinn „Hundrað kílómetrar að drepast úr sýkingu er bara fínt“ Sport Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn Albert skoraði tvö í fyrsta leiknum fyrir Fiorentina Fótbolti Bellingham kallaði dómarann skíthæl Fótbolti Sögulegur dagur er Thelma sópaði til sín gullverðlaunum Sport Thelma Norður-Evrópumeistari í stökki Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira