Aðdáendur Game of Thrones bíða nú í ofvæni eftir því að fyrsti þátturinn í sjöttu seríu verði frumsýndur en þættinum var lekið á netið fyrr í dag, þeim aðdáendum sem sáu þáttinn þá vafalaust til mikillar gleði en hinum sem ekki sáu hann til nokkurs ama þar sem ýmsir „spoilerar“ hafa verið settir inn á vefsíðurnar Reddit og IMDB.
Barack Obama, Bandaríkjaforseti, er sá eini sem vitað er til að hafi séð alla sjöttu seríu en þó er ekki talið að lekinn sé frá honum kominn. Einhverjar vefsíður hafa í dag haldið því fram að HBO, sjónvarpsstöðin sem framleiðir og sýnir þættina, hafi lekið þættinum á netið en fleiri eru á því að lekinn komi frá kanadískri streymisíðu.
Þátturinn er ekki lengur aðgengilegur á netinu en hann verður sýndur á Stöð 2 klukkan eitt í nótt, á sama tíma og hann er frumsýndur í Bandaríkjunum, og svo aftur annað kvöld klukkan 22.05.
Fyrsta þætti sjöttu seríu GoT lekið á netið
Tengdar fréttir
Obama fær að sjá Game of Thrones á undan þér
Framleiðendur þáttanna segjast ekki hafa getað sagt nei við forseta Bandaríkjanna.
Cersei þarf nauðsynlega á efnahagsráðgjafa að halda
Ríki konungsins í Westeros er skuldsett upp fyrir haus, efnahagur álfunnar er í rústum og veturinn nálgast.
Ísland í bakgrunni sjöttu seríu Game of Thrones
Íslandi mun enn á ný bregða fyrir í hinni vinsælu þáttaröð Game of Thrones.
