Umfjöllun og viðtöl: ÍBV - Haukar 28-30 | Haukar í úrslit fjórða árið í röð Smári Jökull Jónsson skrifar 1. maí 2016 16:45 Haukar eru enn á ný komnir í lokaúrslitin. Vísir/Anton Haukar eru komnir í úrslit Olís-deildar karla í handknattleik eftir sigur á ÍBV í Eyjum, 30-28. Haukar höfðu yfirhöndina nær allan leikinn en Eyjamenn voru afar nálægt því að tryggja sér framlengingu í lokin. Það kemur í ljós á morgun hvort það verður Valur eða Afturelding sem mæta Haukum í úrslitum. Fyrri hálfleikurinn byrjaði með miklum látum. Strax á 5.mínútu fékk hinn geysisterki markvörður Hauka, Giedrius Morkunas, rautt spjald eftir árekstur við Theódór Sigurbjörnsson leikmann ÍBV sem var í hraðaupphlaupi. Líklega réttur dómur. Haukar létu þetta lítið á sig fá og tóku fljótlega yfirhöndina. Þeir komust fjórum mörkum yfir og Grétar Ari Guðjónsson, sem kom í markið í stað Giedrius, varði oft glæsilega. Eyjamenn áttu í stökustu vandræðum í sókninni og þegar flautað var leik leikhlés var staðan 15-11 fyrir Hauka. Haukar héldu uppteknum hætti í seinni hálfleik. Sóknarleikur Eyjamanna var enn til vandræða og lykilmenn þeirra náðu sér engan veginn á strik. Kolbeinn Arnarsson kom sterkur í mark ÍBV og hélt þeim inni í leiknum með góðri markvörslu en oft á tíðum náðu Haukar þó frákastinu eftir vörslur Kolbeins og það var dýrmætt. Þegar 7 mínútur voru eftir voru Haukar með sex marka forystu, 21-27. Þá hófst endurkoma Eyjamanna sem náðu að minnka muninn í 28-29 þegar um mínúta var eftir. Haukar töpuðu svo boltanum í næstu sókn og Eyjamenn höfðu tækifæri til að jafna. En í þeirri sókn endurspeglaðist saga leiksins. Eyjamenn fóru illa að ráði sínu. Þeir fengu dæmt á sig sóknarbrot og Hákon Daði Styrmisson, sem hefur verið magnaður í þessu einvígi, fór í hraðaupphlaup og tryggði Haukum tveggja marka sigur. Haukar fögnuðu því sætum sigri en þeir unnu alla útileikina í Eyjum í vetur. Grétar Ari átti frábæra innkomu í lið Hauka og þá var Janus Daði frábær í sókninni. Elías Már skoraði einnig mikilvæg mörk. Hjá Eyjamönnum var Kolbeinn einna sterkastur en hann varði vel í seinni hálfleik. Theódór var þeirra markahæstur en fór illa með góð færi eins og félagar hans.Hákon Daði: Erfiðustu leikir sem ég hef spilað Hákon Daði Styrmisson leikmaður Hauka fór á kostum í einvíginu gegn ÍBV og skoraði 41 mark í fjórum leikjum. Hann kom frá ÍBV um áramótin, fór illa með sína gömlu félaga og var augljóslega létt eftir sigurinn í Eyjum í dag. „Ég er hrikalega feginn að þetta er búið. Þetta hafa verið erfiðustu leikir sem ég hef spilað. Maður var nokkrum sinnum alveg að fara að gefast upp en það má ekki. Maður verður að halda áfram,“ sagði Hákon í samtali við Vísi eftir leik. Haukar lentu í töluverðu mótlæti í fyrri hálfleik þegar Giedrius Morkunas markvörður fékk rautt spjald og Tjörvi Þorgeirsson fór af velli meiddur. „Það þýðir ekkert að hugsa um það í leiknum. Maður þarf að setja svona lagað bakvið sig og lifa í núinu. Við þjöppuðum okkur saman og það kemur alltaf maður í manns stað. Janus Daði steig upp og Elías kom með hrikalega mikilvæg mörk“. „Þetta hefði getað fallið báðum megin. Við vorum heppnir að klúðra þessu ekki í lokin og köstuðum þessu næstum frá okkur. Það er hrikalega stutt á milli í þessu“. Stemmningin í stúkunni í Eyjum var svakaleg. Haukar mættu með hóp stuðningsmanna og þá voru Hvítu Riddarar þeirra Eyjamanna háværir sem áður. „Þetta var frábært. Það komu flottir Haukamenn að styðja við bakið á okkur og Hvítu Riddararnir og fólkið hér í Eyjum er ótrúlegt. Ég finn vel fyrir stuðningnum sem ég fæ frá fólkinu hér í Eyjum og mig langar að þakka fyrir það,“ sagði Hákon Daði Styrmisson að lokum.Gunnar Magnússon þjálfari Hauka.Vísir/ErnirGunnar: Við nýttum okkur orkuna úr stúkunniGunnar Magnússon þjálfari Hauka og fyrrverandi þjálfari ÍBV var gríðarlega sáttur eftir sigurinn á ÍBV þegar Vísir náði tali af honum í lok leiks. „Ótrúlegur karakter hjá mínum mönnum. Eftir að ég flutti upp á land hef ég unnið alla leikina hér í Eyjum. Þetta er skemmtilegasti útivöllur landsins og umgjörðin og stemmningin í stúkunni er einstök. Við tókum orkuna þaðan og nýttum hana á jákvæðan hátt,“ sagði Gunnar eftir leik. „Þessi brekka sem við fórum upp í dag var hrikaleg. Ég sá ekki nógu vel hvað gerðist þegar Giedrius var rekinn útaf. Ef hann snertir manninn þá er það rautt, annars ekki. Ég treysti dómurunum til að taka rétta ákvörðun. Ég er yfirhöfuð ekki hrifinn af því að markverðir séu að hlaupa út, þetta er stórhættulegt,“ bætti Gunnar við. „Grétar Ari markvörður er 19 ára, hrikalega efnilegur og með Gogga sem er einn besti markvörður landsins á bakvið sig. Ég vissi að þegar hann fengi sénsinn þá myndi hann standa sig. Hann gerði það heldur betur og steig upp“. „Við bættum ákveðna hluti frá því í síðasta leik. Þetta voru nokkur smáatriði sem við þurftum að laga. Mér fannst við halda aganum lengst af í 60 mínútur og leysa vörnina vel“. „Þetta var erfitt í lokin en við erum á útivelli og allt kolgeggjað í húsinu. Þeir spila maður á mann og um leið og þú reynir eitthvað ertu kominn með ruðning. En við kláruðum þetta og erum ánægðir með það“. Gunnar Magnússon þekkir stemmninguna í Eyjum vel eftir árin sín sem þjálfari ÍBV. Hann hrósaði báðum liðum fyrir umgjörðina í einvíginu. „Umgjörðin í kringum þessa leiki hefur verið frábær og stemmningin sömuleiðis. Við þurfum að hrósa okkar fólki fyrir að koma til Eyja og styðja okkur. Ég kenndi flestum af Hvítu Riddurunum í Akademíunni hér í Eyjum og þekki þá vel. Þetta er geggjuð umgjörð sem bæði liðin eru að bjóða upp á og þvílík auglýsing fyrir handboltann,“ sagði Gunnar Magnússon þjálfari Hauka að lokum.Arnar Pétursson þjálfari ÍBV.Vísir/ErnirArnar: Haukar verða meistararArnar Pétursson þjálfari ÍBV var gríðarlega svekktur þegar Vísir ræddi við hann eftir leik. Hann sagði sína menn ekki hafa spilað nógu vel og að sóknarleikurinn hafi orðið þeim að falli. „Maður er drullusvekktur. Við vorum á löngum köflum í dag ólíkir sjálfum okkur og yfirspenntir. Við erum stífir og erfiðir sóknarlega. Við erum ekki að fá sama framlag sóknarlega frá okkar mönnum og það er greinilega einhver yfirspenna. Kannski hefur það haft áhrif í lokin að menn hafa verið meiddir og ekki í standi. En sóknarleikurinn var ekki nógu góður,“ sagði Arnar eftir leik. „Í fyrri hálfleik fórum við illa með 4-5 dauðafæri sem Grétar varði vel. Svo vorum við svolítið að flýta okkur að reyna að jafna leikinn. Við áttum skot yfir völlinn og svo dauðafæri þar sem við hefðum getað klórað okkur aðeins nær þeim“. „Grétar Ari er góður markvörður og hann nýtti tækifærið mjög vel. Það var kannski ákveðinn vendipunktur þegar Giedrius var rekinn af velli. Grétar var okkur mjög erfiður.“ Á morgun verður oddaleikur Vals og Aftureldingar og þá fá Haukar að vita hverjir verða mótherjar þeirra í úrslitunum. Arnar er þó með á hreinu hverjir munu lyfta bikarnum. „Haukarnir verða meistarar. Þeir eru einfaldlega með besta liðið og sýndu það í dag. Janus var auðvitað stórkostlegur í dag og Haukar eru einfaldlega bestir. Þeir klára þetta,“ sagði Arnar. Olís-deild karla Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Varamaðurinn tryggði meisturunum dramatískt stig Enski boltinn „Hundrað kílómetrar að drepast úr sýkingu er bara fínt“ Sport Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn Albert skoraði tvö í fyrsta leiknum fyrir Fiorentina Fótbolti Bellingham kallaði dómarann skíthæl Fótbolti Thelma Norður-Evrópumeistari í stökki Sport Sögulegur dagur er Thelma sópaði til sín gullverðlaunum Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
Haukar eru komnir í úrslit Olís-deildar karla í handknattleik eftir sigur á ÍBV í Eyjum, 30-28. Haukar höfðu yfirhöndina nær allan leikinn en Eyjamenn voru afar nálægt því að tryggja sér framlengingu í lokin. Það kemur í ljós á morgun hvort það verður Valur eða Afturelding sem mæta Haukum í úrslitum. Fyrri hálfleikurinn byrjaði með miklum látum. Strax á 5.mínútu fékk hinn geysisterki markvörður Hauka, Giedrius Morkunas, rautt spjald eftir árekstur við Theódór Sigurbjörnsson leikmann ÍBV sem var í hraðaupphlaupi. Líklega réttur dómur. Haukar létu þetta lítið á sig fá og tóku fljótlega yfirhöndina. Þeir komust fjórum mörkum yfir og Grétar Ari Guðjónsson, sem kom í markið í stað Giedrius, varði oft glæsilega. Eyjamenn áttu í stökustu vandræðum í sókninni og þegar flautað var leik leikhlés var staðan 15-11 fyrir Hauka. Haukar héldu uppteknum hætti í seinni hálfleik. Sóknarleikur Eyjamanna var enn til vandræða og lykilmenn þeirra náðu sér engan veginn á strik. Kolbeinn Arnarsson kom sterkur í mark ÍBV og hélt þeim inni í leiknum með góðri markvörslu en oft á tíðum náðu Haukar þó frákastinu eftir vörslur Kolbeins og það var dýrmætt. Þegar 7 mínútur voru eftir voru Haukar með sex marka forystu, 21-27. Þá hófst endurkoma Eyjamanna sem náðu að minnka muninn í 28-29 þegar um mínúta var eftir. Haukar töpuðu svo boltanum í næstu sókn og Eyjamenn höfðu tækifæri til að jafna. En í þeirri sókn endurspeglaðist saga leiksins. Eyjamenn fóru illa að ráði sínu. Þeir fengu dæmt á sig sóknarbrot og Hákon Daði Styrmisson, sem hefur verið magnaður í þessu einvígi, fór í hraðaupphlaup og tryggði Haukum tveggja marka sigur. Haukar fögnuðu því sætum sigri en þeir unnu alla útileikina í Eyjum í vetur. Grétar Ari átti frábæra innkomu í lið Hauka og þá var Janus Daði frábær í sókninni. Elías Már skoraði einnig mikilvæg mörk. Hjá Eyjamönnum var Kolbeinn einna sterkastur en hann varði vel í seinni hálfleik. Theódór var þeirra markahæstur en fór illa með góð færi eins og félagar hans.Hákon Daði: Erfiðustu leikir sem ég hef spilað Hákon Daði Styrmisson leikmaður Hauka fór á kostum í einvíginu gegn ÍBV og skoraði 41 mark í fjórum leikjum. Hann kom frá ÍBV um áramótin, fór illa með sína gömlu félaga og var augljóslega létt eftir sigurinn í Eyjum í dag. „Ég er hrikalega feginn að þetta er búið. Þetta hafa verið erfiðustu leikir sem ég hef spilað. Maður var nokkrum sinnum alveg að fara að gefast upp en það má ekki. Maður verður að halda áfram,“ sagði Hákon í samtali við Vísi eftir leik. Haukar lentu í töluverðu mótlæti í fyrri hálfleik þegar Giedrius Morkunas markvörður fékk rautt spjald og Tjörvi Þorgeirsson fór af velli meiddur. „Það þýðir ekkert að hugsa um það í leiknum. Maður þarf að setja svona lagað bakvið sig og lifa í núinu. Við þjöppuðum okkur saman og það kemur alltaf maður í manns stað. Janus Daði steig upp og Elías kom með hrikalega mikilvæg mörk“. „Þetta hefði getað fallið báðum megin. Við vorum heppnir að klúðra þessu ekki í lokin og köstuðum þessu næstum frá okkur. Það er hrikalega stutt á milli í þessu“. Stemmningin í stúkunni í Eyjum var svakaleg. Haukar mættu með hóp stuðningsmanna og þá voru Hvítu Riddarar þeirra Eyjamanna háværir sem áður. „Þetta var frábært. Það komu flottir Haukamenn að styðja við bakið á okkur og Hvítu Riddararnir og fólkið hér í Eyjum er ótrúlegt. Ég finn vel fyrir stuðningnum sem ég fæ frá fólkinu hér í Eyjum og mig langar að þakka fyrir það,“ sagði Hákon Daði Styrmisson að lokum.Gunnar Magnússon þjálfari Hauka.Vísir/ErnirGunnar: Við nýttum okkur orkuna úr stúkunniGunnar Magnússon þjálfari Hauka og fyrrverandi þjálfari ÍBV var gríðarlega sáttur eftir sigurinn á ÍBV þegar Vísir náði tali af honum í lok leiks. „Ótrúlegur karakter hjá mínum mönnum. Eftir að ég flutti upp á land hef ég unnið alla leikina hér í Eyjum. Þetta er skemmtilegasti útivöllur landsins og umgjörðin og stemmningin í stúkunni er einstök. Við tókum orkuna þaðan og nýttum hana á jákvæðan hátt,“ sagði Gunnar eftir leik. „Þessi brekka sem við fórum upp í dag var hrikaleg. Ég sá ekki nógu vel hvað gerðist þegar Giedrius var rekinn útaf. Ef hann snertir manninn þá er það rautt, annars ekki. Ég treysti dómurunum til að taka rétta ákvörðun. Ég er yfirhöfuð ekki hrifinn af því að markverðir séu að hlaupa út, þetta er stórhættulegt,“ bætti Gunnar við. „Grétar Ari markvörður er 19 ára, hrikalega efnilegur og með Gogga sem er einn besti markvörður landsins á bakvið sig. Ég vissi að þegar hann fengi sénsinn þá myndi hann standa sig. Hann gerði það heldur betur og steig upp“. „Við bættum ákveðna hluti frá því í síðasta leik. Þetta voru nokkur smáatriði sem við þurftum að laga. Mér fannst við halda aganum lengst af í 60 mínútur og leysa vörnina vel“. „Þetta var erfitt í lokin en við erum á útivelli og allt kolgeggjað í húsinu. Þeir spila maður á mann og um leið og þú reynir eitthvað ertu kominn með ruðning. En við kláruðum þetta og erum ánægðir með það“. Gunnar Magnússon þekkir stemmninguna í Eyjum vel eftir árin sín sem þjálfari ÍBV. Hann hrósaði báðum liðum fyrir umgjörðina í einvíginu. „Umgjörðin í kringum þessa leiki hefur verið frábær og stemmningin sömuleiðis. Við þurfum að hrósa okkar fólki fyrir að koma til Eyja og styðja okkur. Ég kenndi flestum af Hvítu Riddurunum í Akademíunni hér í Eyjum og þekki þá vel. Þetta er geggjuð umgjörð sem bæði liðin eru að bjóða upp á og þvílík auglýsing fyrir handboltann,“ sagði Gunnar Magnússon þjálfari Hauka að lokum.Arnar Pétursson þjálfari ÍBV.Vísir/ErnirArnar: Haukar verða meistararArnar Pétursson þjálfari ÍBV var gríðarlega svekktur þegar Vísir ræddi við hann eftir leik. Hann sagði sína menn ekki hafa spilað nógu vel og að sóknarleikurinn hafi orðið þeim að falli. „Maður er drullusvekktur. Við vorum á löngum köflum í dag ólíkir sjálfum okkur og yfirspenntir. Við erum stífir og erfiðir sóknarlega. Við erum ekki að fá sama framlag sóknarlega frá okkar mönnum og það er greinilega einhver yfirspenna. Kannski hefur það haft áhrif í lokin að menn hafa verið meiddir og ekki í standi. En sóknarleikurinn var ekki nógu góður,“ sagði Arnar eftir leik. „Í fyrri hálfleik fórum við illa með 4-5 dauðafæri sem Grétar varði vel. Svo vorum við svolítið að flýta okkur að reyna að jafna leikinn. Við áttum skot yfir völlinn og svo dauðafæri þar sem við hefðum getað klórað okkur aðeins nær þeim“. „Grétar Ari er góður markvörður og hann nýtti tækifærið mjög vel. Það var kannski ákveðinn vendipunktur þegar Giedrius var rekinn af velli. Grétar var okkur mjög erfiður.“ Á morgun verður oddaleikur Vals og Aftureldingar og þá fá Haukar að vita hverjir verða mótherjar þeirra í úrslitunum. Arnar er þó með á hreinu hverjir munu lyfta bikarnum. „Haukarnir verða meistarar. Þeir eru einfaldlega með besta liðið og sýndu það í dag. Janus var auðvitað stórkostlegur í dag og Haukar eru einfaldlega bestir. Þeir klára þetta,“ sagði Arnar.
Olís-deild karla Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Varamaðurinn tryggði meisturunum dramatískt stig Enski boltinn „Hundrað kílómetrar að drepast úr sýkingu er bara fínt“ Sport Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn Albert skoraði tvö í fyrsta leiknum fyrir Fiorentina Fótbolti Bellingham kallaði dómarann skíthæl Fótbolti Thelma Norður-Evrópumeistari í stökki Sport Sögulegur dagur er Thelma sópaði til sín gullverðlaunum Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira