Japan leyfir hliðarspeglalausa bíla Finnur Thorlacius skrifar 8. ágúst 2016 09:01 Munu hliðarspeglar á bílum brátt heyra sögunni til? Margir bílaframleiðendur hafa lengi barist fyrir því að geta framleitt bíla með engum hliðarspeglum en lög í flestum löndum koma í veg fyrir það. Nútíma skjáir geta fært ökumönnum jafn góða eða betri sýn á umferðina fyrir aftan og til hliðar en hliðarspeglar og því er fátt því til fyrirstöðu að leyfa hliðarspeglalausa bíla svo framleiða megi þá með lægra loftviðnámi. Nú hefur Japan riðið á vaðið og leyft hliðarspeglalausa bíla og er því fyrsta vígið fallið. Japan er einkar tæknivætt land og framarlega á sviði myndavélatækni og því kemur ef til vill ekki á óvart að landið sé fyrst til að samþykkja breytinguna. Auk þess gætu japönsk fyrirtæki hagnast mjög á sölu myndavélabúnaðar sem þarf í bíla til að leysa hliðarspeglana af hólmi. Meðal slíkra er japanskt fyrirtæki sem heitir Ichikoh og þykir það framleiða búnað í þessum efnum sem tekur flestu fram. Bosch býður einnig uppá slíkan búnað sem festur er innan á fremsta hliðarbita bíla. Það er ekki bara kosturinn við að geta framleitt bíla með lágan vindstuðul sem fylgir því að losna við speglana, heldur þarf ekki lengur að hafa áhyggjur af tíðum tjónum á hliðarspeglum sem standa útúr bílunum, en margir framleiðendur hafa minnkað þá áhætt með því að hafa þá inndraganlega. Slíkur búnaður kostar sitt og með breytingunni er hann úr sögunni og ef til verður ódýrara að bjóða uppá góðan myndavélabúnað. Auk þess ætti “blindi punkturinn” að hverfa með betri myndavélabúnaði sem tryggir betri sýn ökumanns. Búist er við því að ákvörðun japanskra yfirvalda muni hreyfa við ákvörðunum annarra þjóða, en þær vilja vafalaust ekki að japanskir bílaframleiðendur taki forystuna í að þróa slíkan búnað á kostnað þeirra. Jafnvel er búist við því að Evrópusambandið samþykki lög sem leyfa þennan búnað á þessu ári og að Bandaríkin fylgi í kjölfarið, sem og Kína. Mest lesið Leggja til breytingar á gatnamótum í kjölfar banaslyss Innlent Drengurinn fannst heill á húfi Innlent Samfélagið í molum eftir fráfall ungrar konu: „Við erum enn þá í áfalli“ Innlent „Erfið stund en mikilvæg“ Innlent Guðrún tilnefnir Ólaf Adolfsson sem formann þingflokksins Innlent Hvirfilbylur við Vatnsleysuströnd Innlent Kjúklingaræktandi fær á baukinn en MAST líka Innlent Skjálfti fannst í byggð Innlent Þyrla kölluð úr og ríflega hundrað björgunarsveitarmenn: Leita að týndum tólf ára dreng við Ölfusborgir Innlent Finnar ætla að hætta að flagga hakakrossinum Erlent
Margir bílaframleiðendur hafa lengi barist fyrir því að geta framleitt bíla með engum hliðarspeglum en lög í flestum löndum koma í veg fyrir það. Nútíma skjáir geta fært ökumönnum jafn góða eða betri sýn á umferðina fyrir aftan og til hliðar en hliðarspeglar og því er fátt því til fyrirstöðu að leyfa hliðarspeglalausa bíla svo framleiða megi þá með lægra loftviðnámi. Nú hefur Japan riðið á vaðið og leyft hliðarspeglalausa bíla og er því fyrsta vígið fallið. Japan er einkar tæknivætt land og framarlega á sviði myndavélatækni og því kemur ef til vill ekki á óvart að landið sé fyrst til að samþykkja breytinguna. Auk þess gætu japönsk fyrirtæki hagnast mjög á sölu myndavélabúnaðar sem þarf í bíla til að leysa hliðarspeglana af hólmi. Meðal slíkra er japanskt fyrirtæki sem heitir Ichikoh og þykir það framleiða búnað í þessum efnum sem tekur flestu fram. Bosch býður einnig uppá slíkan búnað sem festur er innan á fremsta hliðarbita bíla. Það er ekki bara kosturinn við að geta framleitt bíla með lágan vindstuðul sem fylgir því að losna við speglana, heldur þarf ekki lengur að hafa áhyggjur af tíðum tjónum á hliðarspeglum sem standa útúr bílunum, en margir framleiðendur hafa minnkað þá áhætt með því að hafa þá inndraganlega. Slíkur búnaður kostar sitt og með breytingunni er hann úr sögunni og ef til verður ódýrara að bjóða uppá góðan myndavélabúnað. Auk þess ætti “blindi punkturinn” að hverfa með betri myndavélabúnaði sem tryggir betri sýn ökumanns. Búist er við því að ákvörðun japanskra yfirvalda muni hreyfa við ákvörðunum annarra þjóða, en þær vilja vafalaust ekki að japanskir bílaframleiðendur taki forystuna í að þróa slíkan búnað á kostnað þeirra. Jafnvel er búist við því að Evrópusambandið samþykki lög sem leyfa þennan búnað á þessu ári og að Bandaríkin fylgi í kjölfarið, sem og Kína.
Mest lesið Leggja til breytingar á gatnamótum í kjölfar banaslyss Innlent Drengurinn fannst heill á húfi Innlent Samfélagið í molum eftir fráfall ungrar konu: „Við erum enn þá í áfalli“ Innlent „Erfið stund en mikilvæg“ Innlent Guðrún tilnefnir Ólaf Adolfsson sem formann þingflokksins Innlent Hvirfilbylur við Vatnsleysuströnd Innlent Kjúklingaræktandi fær á baukinn en MAST líka Innlent Skjálfti fannst í byggð Innlent Þyrla kölluð úr og ríflega hundrað björgunarsveitarmenn: Leita að týndum tólf ára dreng við Ölfusborgir Innlent Finnar ætla að hætta að flagga hakakrossinum Erlent
Þyrla kölluð úr og ríflega hundrað björgunarsveitarmenn: Leita að týndum tólf ára dreng við Ölfusborgir Innlent
Þyrla kölluð úr og ríflega hundrað björgunarsveitarmenn: Leita að týndum tólf ára dreng við Ölfusborgir Innlent