Jennifer Aniston skellihlær á forsíðu New York Post

Leikkonan Angelina Jolie sótti um skilnað frá Brad Pitt á mánudaginn og rötuðu fréttirnar í heimsmiðlana í gær. Þau hafa verið saman síðan árið 2004 en giftu sig árið 2014.

Nánast allir miðlar í heiminum fjalla mikið um málið og er forsíðan á New York Post helguð skilnaðnum. Þar má sjá stóra mynda af Jennifer Aniston þar sem hún er skellihlægjandi. Brad Pitt og leikkonan Jennifer Anston voru gift frá árinu 2000-2005. Ástarsamband þeirra hófst árið 1998.

Brad Pitt kynntist aftur á móti Angelina Jolie árið 2004 þegar þau léku saman í Mr. and Mrs. Smith. Þá mun ástarsamband þeirra hafa hafist og varð Aniston eðlilega ekki sátt með þau málalok. Það er því slegið upp í New York Post að Aniston sé töluvert ánægð með skilnaðinn hjá fyrrverandi eiginmanni sínum.

Hér að neðan má sjá forsíðuna á New York Post í dag.