Garðbæingar unnu þá öruggan 4-0 sigur á FH á Samsung-vellinum. Katrín Ásbjörnsdóttir skoraði tvö mörk og þær Lára Kristín Pedersen og Ásgerður Stefanía Baldursdóttir sitt markið hvor.
Breiðablik vann titilinn í fyrra en Stjarnan reyndist sterkari í ár þrátt fyrir að talsverðar breytingar hefðu orðið á liðinu í vetur.
Stjarnan vann alls 14 af 18 deildarleikjum sínum í sumar og endaði með 44 stig, fimm stigum meira en Breiðablik.
Eyþór Árnason, ljósmyndari Fréttablaðsins og Vísis, var á Samsung-vellinum í dag og tók þessar skemmtilegu myndir sem fylgja fréttinni.
