Raddir úr öllum áttum Gunnþóra Gunnarsdóttir skrifar 18. október 2016 11:30 "Við hvetjum fólk til að taka þátt í pallborðinu með okkur og koma með spurningar úr sal,“ segir Lára. Vísir/GVA „Við reynum að láta raddirnar koma úr öllum áttum þannig að dagskráin verði fjölbreytt. Þar er grasrótin og þar eru gestsaugun, starfandi rithöfundar, fræðimenn og fjölmiðlafólk.“ Þannig lýsir Lára Aðalsteinsdóttir, verkefnastjóri hjá Reykjavík Bókmenntaborg, væntanlegu málþingi um gildi orðlistar í samfélaginu sem haldið verður í Tjarnarsal Ráðhússins á morgun, 19. október, frá klukkan 13 til 16. Meðal frummælenda verður Eliza Reid forsetafrú. „Við erum upp með okkur yfir því að forsetafrúin skuli heiðra okkur með þátttöku,“ segir Lára og lýsir því að Eliza sé annar tveggja stofnenda verkefnisins Iceland Writers Retreat. Það skipuleggur menningarferðir til Íslands í apríl ár hvert, þar sem ferðamennirnir setjast á skólabekk hjá þekktum rithöfundum hér, ferðast um landið, fræðast um íslenska menningu og hitta rithöfund í Bókmenntaborginni. „Í fyrra komu 110 manns frá yfir 20 löndum og öllum málsvæðum og Eliza mun segja frá þessu frábæra verkefni sem er á fárra vitorði,“ segir Lára og snýr sér að öðrum dagskrárliðum.Skemmtikraftarnir Kött Grá Pje og Ásta Fanney Sigurðardóttir ætla að koma gestum á óvart. Mynd/Roman Gerasymenko „Brynhildur Þórarinsdóttir dósent ætlar að velta fyrir sér útkomu lestrarkannana meðal unglinga og í stað þess að setja upp neikvæðu gleraugun ætlar hún að beina sjónum sínum að þeim sem að lesa mikið. Hildur Knútsdóttir rithöfundur verður með hugleiðingar um orð og orðaforða og Valgerður Þóroddsdóttir, skáld og útgefandi flytur erindi sem hún nefnir Enginn er eyland. Eftir pallborðsumræður þar sem Brynhildur Þórarins, Hallgrímur Helgason, Jórunn Sigurðardóttir og Magnús Guðmundsson og Stefán Pálsson ræða málin undir stjórn Kristínar Helgu Gunnarsdóttur stígur Ragnhildur Hólmgeirsdóttir í pontu með játningar lestrarfíkils.“ Lára tekur fram að allir séu velkomnir á þingið og þar sé ekkert þátttökugjald. „Við hlökkum til að sjá sem flesta í Tjarnarsalnum á morgun og hvetjum fólk til að taka þátt í pallborðinu með spurningum úr sal.“ Greinin birtist fyrst í Fréttablaðinu 18. október 2016. Menning Mest lesið „Ég fæ morgnana til að vera bara ég“ Tónlist Aldrei litið betur út þrátt fyrir alvarlegt slys Lífið Fréttatía vikunnar: Hollywood stjörnur, þjóðarréttir og pólitík Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Geggjað heimatilbúið „Twix“ Lífið Ein lausn er að liggja hlið við hlið og fróa sér Lífið Eignaðist alvöru pungsa með alvöru pungsa Lífið Opna fyrstu umboðsstofuna í eigu leikara Menning Hyggjast halda breytta Söngvakeppni á næsta ári Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
„Við reynum að láta raddirnar koma úr öllum áttum þannig að dagskráin verði fjölbreytt. Þar er grasrótin og þar eru gestsaugun, starfandi rithöfundar, fræðimenn og fjölmiðlafólk.“ Þannig lýsir Lára Aðalsteinsdóttir, verkefnastjóri hjá Reykjavík Bókmenntaborg, væntanlegu málþingi um gildi orðlistar í samfélaginu sem haldið verður í Tjarnarsal Ráðhússins á morgun, 19. október, frá klukkan 13 til 16. Meðal frummælenda verður Eliza Reid forsetafrú. „Við erum upp með okkur yfir því að forsetafrúin skuli heiðra okkur með þátttöku,“ segir Lára og lýsir því að Eliza sé annar tveggja stofnenda verkefnisins Iceland Writers Retreat. Það skipuleggur menningarferðir til Íslands í apríl ár hvert, þar sem ferðamennirnir setjast á skólabekk hjá þekktum rithöfundum hér, ferðast um landið, fræðast um íslenska menningu og hitta rithöfund í Bókmenntaborginni. „Í fyrra komu 110 manns frá yfir 20 löndum og öllum málsvæðum og Eliza mun segja frá þessu frábæra verkefni sem er á fárra vitorði,“ segir Lára og snýr sér að öðrum dagskrárliðum.Skemmtikraftarnir Kött Grá Pje og Ásta Fanney Sigurðardóttir ætla að koma gestum á óvart. Mynd/Roman Gerasymenko „Brynhildur Þórarinsdóttir dósent ætlar að velta fyrir sér útkomu lestrarkannana meðal unglinga og í stað þess að setja upp neikvæðu gleraugun ætlar hún að beina sjónum sínum að þeim sem að lesa mikið. Hildur Knútsdóttir rithöfundur verður með hugleiðingar um orð og orðaforða og Valgerður Þóroddsdóttir, skáld og útgefandi flytur erindi sem hún nefnir Enginn er eyland. Eftir pallborðsumræður þar sem Brynhildur Þórarins, Hallgrímur Helgason, Jórunn Sigurðardóttir og Magnús Guðmundsson og Stefán Pálsson ræða málin undir stjórn Kristínar Helgu Gunnarsdóttur stígur Ragnhildur Hólmgeirsdóttir í pontu með játningar lestrarfíkils.“ Lára tekur fram að allir séu velkomnir á þingið og þar sé ekkert þátttökugjald. „Við hlökkum til að sjá sem flesta í Tjarnarsalnum á morgun og hvetjum fólk til að taka þátt í pallborðinu með spurningum úr sal.“ Greinin birtist fyrst í Fréttablaðinu 18. október 2016.
Menning Mest lesið „Ég fæ morgnana til að vera bara ég“ Tónlist Aldrei litið betur út þrátt fyrir alvarlegt slys Lífið Fréttatía vikunnar: Hollywood stjörnur, þjóðarréttir og pólitík Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Geggjað heimatilbúið „Twix“ Lífið Ein lausn er að liggja hlið við hlið og fróa sér Lífið Eignaðist alvöru pungsa með alvöru pungsa Lífið Opna fyrstu umboðsstofuna í eigu leikara Menning Hyggjast halda breytta Söngvakeppni á næsta ári Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira