Fatalaust frelsi Jón Sigurður Eyjólfsson skrifar 11. október 2016 07:00 Ég var að hlaupa eftir ströndinni hér í Almeríahéraði, nýfluttur og því alvitlaus um staðarhætti. Allt í einu fannst mér ég vera staddur í ljóði eftir Stein Steinarr þar sem ég hljóp á annarlegri strönd. Stórt og mikið skilti útskýrði hins vegar að ég var á nektarströnd mikilli. Ég leit á fólkið í kringum mig og komst að því, illu heilli, að hún er átakanlega vinsæl hjá gömlum breskum körlum. Ekki það að ég sé að kvarta en útsýnið er ólíkt yndislegra við Elliðavatn þar sem ég skokka á Íslandi. Ég sveigði af ströndinni og upp í þorpið en þar voru berrassaðir Bretar engu færri. Jafnvel ósköp hversdagslegir, kannski á leiðinni út í búð. Þar gátu þeir sagt við afgreiðslumanninn þegar hann rukkaði þá, „nei, heyrðu, ég er bara ekki með neitt á mér“. Annars staðar sátu þeir framarlega á trébekk, svo millistykkið hékk fram af bríkinni og minnti helst á þorskhaus í hjalli. Ég sá líka að eflaust er hart í ári á þessum stað þar sem margar íbúðir eru þar auglýstar til leigu eða sölu. Ég tók á sprett, varð að drífa mig þar sem við hjónin vorum að fara á veitingastað að hitta fólk. Eftir sturtu fer ég í mína uppáhaldsskyrtu en konan rekur mig úr henni eftir að hafa fundið drög að krumpu. Ég tek aðra en er undir eins rekinn úr henni, þar sem þetta er vetrarskyrta. Loks fann ég skyrtu sem stóðst allar kröfur en björninn var ekki unninn því enn átti eftir að finna á mig brækur. Það var þá sem ég stakk upp á því við hana að við myndum kíkja á ansi hreint skemmtilega íbúð sem er til leigu á ströndinni hérna fyrir ofan.Þessi grein birtist fyrst í Fréttablaðinu. Viltu birta grein á Vísi? Sendu okkur póst. Senda grein Jón Sigurður Eyjólfsson Mest lesið Engin eftirspurn eftir Viðreisnar- og Samfylkingarmódelinu Andri Steinn Hilmarsson Skoðun Opið bréf til umhverfis-, orku- og loftslagsráðherra Bogi Ragnarsson Skoðun Afnám tilfærslu milli skattþrepa Breki Pálsson Skoðun Tölum íslensku um bíðandi börn: Uppgjöf, svarthol og lögbrot Vigdís Gunnarsdóttir Skoðun Ég á þetta ég má þetta Arnar Atlason Skoðun Það sem Njáll sagði ykkur ekki Inga Lind Karlsdóttir Skoðun Íslenska þjóð, þú ert núna að gleyma Sighvatur Björgvinsson Skoðun Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun Þegar heilinn sveltur: Tími til að endurhugsa stefnu í geðheilbrigðismálum Vigdís M. Jónsdóttir Skoðun Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Ég var að hlaupa eftir ströndinni hér í Almeríahéraði, nýfluttur og því alvitlaus um staðarhætti. Allt í einu fannst mér ég vera staddur í ljóði eftir Stein Steinarr þar sem ég hljóp á annarlegri strönd. Stórt og mikið skilti útskýrði hins vegar að ég var á nektarströnd mikilli. Ég leit á fólkið í kringum mig og komst að því, illu heilli, að hún er átakanlega vinsæl hjá gömlum breskum körlum. Ekki það að ég sé að kvarta en útsýnið er ólíkt yndislegra við Elliðavatn þar sem ég skokka á Íslandi. Ég sveigði af ströndinni og upp í þorpið en þar voru berrassaðir Bretar engu færri. Jafnvel ósköp hversdagslegir, kannski á leiðinni út í búð. Þar gátu þeir sagt við afgreiðslumanninn þegar hann rukkaði þá, „nei, heyrðu, ég er bara ekki með neitt á mér“. Annars staðar sátu þeir framarlega á trébekk, svo millistykkið hékk fram af bríkinni og minnti helst á þorskhaus í hjalli. Ég sá líka að eflaust er hart í ári á þessum stað þar sem margar íbúðir eru þar auglýstar til leigu eða sölu. Ég tók á sprett, varð að drífa mig þar sem við hjónin vorum að fara á veitingastað að hitta fólk. Eftir sturtu fer ég í mína uppáhaldsskyrtu en konan rekur mig úr henni eftir að hafa fundið drög að krumpu. Ég tek aðra en er undir eins rekinn úr henni, þar sem þetta er vetrarskyrta. Loks fann ég skyrtu sem stóðst allar kröfur en björninn var ekki unninn því enn átti eftir að finna á mig brækur. Það var þá sem ég stakk upp á því við hana að við myndum kíkja á ansi hreint skemmtilega íbúð sem er til leigu á ströndinni hérna fyrir ofan.Þessi grein birtist fyrst í Fréttablaðinu.
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Þegar heilinn sveltur: Tími til að endurhugsa stefnu í geðheilbrigðismálum Vigdís M. Jónsdóttir Skoðun
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Þegar heilinn sveltur: Tími til að endurhugsa stefnu í geðheilbrigðismálum Vigdís M. Jónsdóttir Skoðun
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun