Hasar um ESB-málið milli Bjarna og Þorgerðar Jakob Bjarnar skrifar 20. október 2016 20:13 Hart var sótt að Bjarna Benediktssyni, formanni Sjálfstæðisflokksins og oddvita flokksins í Kraganum, vegna ESB-málsins í kosningaþætti Stöðvar 2 í kvöld. Stjórnandi þáttarins, Heimir Már Pétursson, spurði Bjarna ítrekað hvers vegna ekki mætti spyrja þeirrar sakleysislegu spurningar hví almenningur fengi ekki að segja til um hvort viðræður um ESB-aðild yrði fram haldið eða þeim slitið? Heimir Már vísaði þar til loforðs sem fyrir lá af hálfu Bjarna um að kosið yrði um hvort viðræðunum yrði fram haldið eða ekki. Bjarni hélt sig við það sem fyrr að ekki þýddi að standa í aðildarviðræðum nema fyrir lægi vilji að ganga í ESB. Þorgerður Katrín Gunnarsdóttir, oddviti Viðreisnar í Kraganum, sagði ljóst að Bjarna hafi snúist hugur og eins sótti Árni Páll Árnason, oddviti Samfylkingar, að Bjarna vegna málsins, sem spurði: „Hverskonar rugl er þetta?“ Kom til snarpra skoðanaskipta vegna þessa máls.Mismikil ánægja með nýja könnun Oddvitar sjö flokka í Kraganum, þeirra sem mælast með meira en fimm prósenta fylgi í könnunum í Suðvesturkjördæmi, tókust á í kosningaþætti Stöðvar 2 nú í kvöld. Talsverð spenna var í loftinu ekki síst vegna þess að þar mættust meðal annars Bjarni formaður Sjálfstæðisflokksins og Þorgerður Katrín fyrir Viðreisn, en hún er fyrrverandi varaformaður Sjálfstæðisflokks. Eygló Harðardóttir mætti fyrir Framsóknarflokk, Árni Páll Árnason fyrir Samfylkinguna, Óttarr Proppé fyrir Bjarta framtíð, Jón Þór Ólafsson fyrir Pírata og Rósa Björk Brynjólfsdóttir fyrir Vinstri græn.Þátttakendum var kynnt ný könnun um fylgi flokkanna í kjördæminu og vitaskuld voru oddvitarnir misánægðir með niðurstöðuna.Eygló segir Framsókn hafa staðið í erfiðum málum Jón Þór var ánægður og sagði ágætt fylgi til marks um það sem allir Íslendingar vildu norrænt velferðarkerfi. Og fyrir því hafi Píratar talað. Eygló benti á að Framsóknarflokkurinn hafi unnið verulega góðan sigur í síðustu kosningum. Framsóknarmenn horfa nú fram á að Willum Þór Þórsson detti út af þingi. Eygló taldi það góða spurningu hvers vegna Sjálfstæðisflokkurinn væri að bæta við sig en Framsóknarflokkurinn að tapa fylgi. Eygló taldi skýringuna helst þá að hún hafi þurft að berjast í erfiðum málum sem efst eru á baugi sem eru húsnæðismál og kjör öryrkja og aldraðra.Vonbrigði í Samfylkingu Sjálfstæðisflokkurinn mælist með mest fylgi sem mælst hefur í könnunum 365 og Bjarni taldi sterka stöðu í Kraganum meðal annars helgast af því að þeir stæðu vel og væru með meirihluta í mörgum sveitarstjórnum kjörtímabilsins. Hann vill tryggja Vilhjálm Bjarnason inn á þing, sem stendur tæpt, og sækja 6. manninn. Árni Páll sagði könnunina óneitanlega vera vonbrigði eins og staða flokksins almennt á landsvísu. Hvatning til að leggjast á árarnar og tryggja Margréti Gauju Magnúsdóttur inn. Hann taldi þúsund skýringar á þessu, ein væri sú sem Jón Þór nefndi með norrænt velferðarmódel – það hafi verið öxull í pólitík Samfylkingarinnar. Árni Páll vildi ekki kvarta undan því að aðrir töluðu fyrir þeim sjónarmiðum og notaði tækifærið og taldi mikilvægt að þau í Samfylkinguna, með sína reynslu, kæmu að borðum þegar næsta ríkisstjórn er mynduð.Holur hljómur í gömlu kosningaloforðarullunni Þorgerður Katrín gat ekki verið annað en kát með niðurstöðuna og að ýmislegt benti til þess að Viðreisn yrði með sögulega innkomu á þingið. Þorgerður var spurð hvort Evrópumálin væru nokkuð í deiglunni núna en hún taldi það af og frá, ungt fólk væri að spyrja um þetta og þau sem miðaldra væru hefðu ekki leyfi til að taka valkosti af ungu fólki í þeim efnum. Óttarr Proppé horfir fram á eilítið minna fylgi en í kosningum 2013 en segir Bjarta framtíð hafa verið að braggast að undanförnu. Hann segir athyglisvert að sjá í þróun sem er að hefðbundnu flokkarnir séu að gefa eftir. Hann segir það sögulegt og ljóst að kominn sé holur hljómur í gömlu kosningaloforðarulluna. Mikill vilji sé til breytinga. Rósa Björk var virkilega ánægð fyrir hönd VG, sem var að bæta við sig fjórum prósentum frá í kosningum. Rósa segir þetta þýða að fólk treysti þeim til góðra verka.Sjá má kjördæmaþáttinn í heild sinni í spilaranum að neðan. Kosningar 2016 X16 Suðvestur Tengdar fréttir Sjálfstæðismenn fengju fimm þingmenn í Suðvesturkjördæmi og Framsókn tapar tveimur Sjálfstæðisflokkurinn fengi fimm af þrettán þingmönnum Suðvesturkjördæmis ef kosið yrði nú samkvæmt könnun fréttastofu 365. 20. október 2016 19:20 Mest lesið Möguleg slit á fríverslunarsamningi við Ísrael tekin fyrir Innlent Þyrlan kölluð út á mesta forgangi Innlent Einn fluttur á Landspítalann frá Fjallabaki Innlent Ákærðir fyrir hópnauðgun gegn ólögráða stúlku Innlent Aðsetur ríkisstjórnarinnar logar eftir árásir næturinnar Erlent Vilja skylda samskiptaforrit til að skanna einkaskilaboð fólks Erlent Hringveginum lokað vegna umferðarslyss Innlent Labubu bangsar ekki lengur velkomnir í Ísaksskóla Innlent Hótar að beita stríðsmálaráðuneytinu: „Chipocalypse Now“ Erlent Rafmagnsflugvél reynd í áætlunarflugi í Noregi Erlent Fleiri fréttir Gleði og samvera í 60 plús leikfimi á Selfossi Syrgja fallið kornabarn: „Það er ekkert plan, engin lausn“ Engin slys á fólki þegar hjólhýsi valt Syrgja fallið kornabarn og fyrsti þúsaldardýrlingurinn Einn fluttur á Landspítalann frá Fjallabaki Kröftug mótmæli brjóti ekki gegn málfrelsi Hringveginum lokað vegna umferðarslyss Þyrlan kölluð út á mesta forgangi Jákvæð gagnvart nýrri atvinnustefnu Frábær og vel heppnuð Ljósanótt Möguleg slit á fríverslunarsamningi við Ísrael tekin fyrir Skoða að rifta fríverslunarsamningi við Ísrael Labubu bangsar ekki lengur velkomnir í Ísaksskóla Fangageymslur fullar eftir erilsama nótt Aðgerðir vegna Gasa, málfrelsi á Íslandi og ný atvinnustefna Ákærðir vegna fölsuðu taflanna tuttugu þúsund „Vona bara að hún grípi til raunverulegra aðgerða sem bíta“ Korn ræktað á um fjögur þúsund hekturum Veltir fyrir sér hvort íslensk íþróttafélög verði af milljörðum Handtekinn undir áhrifum með tvö börn í bílnum Fjölmenn mótmæli og skortur á íslenskukunnáttu þrátt fyrir doktorsnám Ákærðir fyrir hópnauðgun gegn ólögráða stúlku Gullkistan opnuð á Vestfjörðum Sóttu slasaðan ökumann við Surtshelli Gríðarlegur fjöldi á mótmælunum Þjóð gegn þjóðarmorði Tæpir sextíu þúsund fermetrar í eigu ríkisins standa tómir Kennir íslensku en fær ekki ríkisborgararétt að óbreyttu Tvöföldun erlendra fanga á fimm árum: „Þetta er auðvitað gríðarlega hátt hlutfall“ Nöfn myrtra barna verða lesin upp í sjö klukkustundir Eygir vonarneista í fyrsta sinn í marga mánuði Sjá meira
Hart var sótt að Bjarna Benediktssyni, formanni Sjálfstæðisflokksins og oddvita flokksins í Kraganum, vegna ESB-málsins í kosningaþætti Stöðvar 2 í kvöld. Stjórnandi þáttarins, Heimir Már Pétursson, spurði Bjarna ítrekað hvers vegna ekki mætti spyrja þeirrar sakleysislegu spurningar hví almenningur fengi ekki að segja til um hvort viðræður um ESB-aðild yrði fram haldið eða þeim slitið? Heimir Már vísaði þar til loforðs sem fyrir lá af hálfu Bjarna um að kosið yrði um hvort viðræðunum yrði fram haldið eða ekki. Bjarni hélt sig við það sem fyrr að ekki þýddi að standa í aðildarviðræðum nema fyrir lægi vilji að ganga í ESB. Þorgerður Katrín Gunnarsdóttir, oddviti Viðreisnar í Kraganum, sagði ljóst að Bjarna hafi snúist hugur og eins sótti Árni Páll Árnason, oddviti Samfylkingar, að Bjarna vegna málsins, sem spurði: „Hverskonar rugl er þetta?“ Kom til snarpra skoðanaskipta vegna þessa máls.Mismikil ánægja með nýja könnun Oddvitar sjö flokka í Kraganum, þeirra sem mælast með meira en fimm prósenta fylgi í könnunum í Suðvesturkjördæmi, tókust á í kosningaþætti Stöðvar 2 nú í kvöld. Talsverð spenna var í loftinu ekki síst vegna þess að þar mættust meðal annars Bjarni formaður Sjálfstæðisflokksins og Þorgerður Katrín fyrir Viðreisn, en hún er fyrrverandi varaformaður Sjálfstæðisflokks. Eygló Harðardóttir mætti fyrir Framsóknarflokk, Árni Páll Árnason fyrir Samfylkinguna, Óttarr Proppé fyrir Bjarta framtíð, Jón Þór Ólafsson fyrir Pírata og Rósa Björk Brynjólfsdóttir fyrir Vinstri græn.Þátttakendum var kynnt ný könnun um fylgi flokkanna í kjördæminu og vitaskuld voru oddvitarnir misánægðir með niðurstöðuna.Eygló segir Framsókn hafa staðið í erfiðum málum Jón Þór var ánægður og sagði ágætt fylgi til marks um það sem allir Íslendingar vildu norrænt velferðarkerfi. Og fyrir því hafi Píratar talað. Eygló benti á að Framsóknarflokkurinn hafi unnið verulega góðan sigur í síðustu kosningum. Framsóknarmenn horfa nú fram á að Willum Þór Þórsson detti út af þingi. Eygló taldi það góða spurningu hvers vegna Sjálfstæðisflokkurinn væri að bæta við sig en Framsóknarflokkurinn að tapa fylgi. Eygló taldi skýringuna helst þá að hún hafi þurft að berjast í erfiðum málum sem efst eru á baugi sem eru húsnæðismál og kjör öryrkja og aldraðra.Vonbrigði í Samfylkingu Sjálfstæðisflokkurinn mælist með mest fylgi sem mælst hefur í könnunum 365 og Bjarni taldi sterka stöðu í Kraganum meðal annars helgast af því að þeir stæðu vel og væru með meirihluta í mörgum sveitarstjórnum kjörtímabilsins. Hann vill tryggja Vilhjálm Bjarnason inn á þing, sem stendur tæpt, og sækja 6. manninn. Árni Páll sagði könnunina óneitanlega vera vonbrigði eins og staða flokksins almennt á landsvísu. Hvatning til að leggjast á árarnar og tryggja Margréti Gauju Magnúsdóttur inn. Hann taldi þúsund skýringar á þessu, ein væri sú sem Jón Þór nefndi með norrænt velferðarmódel – það hafi verið öxull í pólitík Samfylkingarinnar. Árni Páll vildi ekki kvarta undan því að aðrir töluðu fyrir þeim sjónarmiðum og notaði tækifærið og taldi mikilvægt að þau í Samfylkinguna, með sína reynslu, kæmu að borðum þegar næsta ríkisstjórn er mynduð.Holur hljómur í gömlu kosningaloforðarullunni Þorgerður Katrín gat ekki verið annað en kát með niðurstöðuna og að ýmislegt benti til þess að Viðreisn yrði með sögulega innkomu á þingið. Þorgerður var spurð hvort Evrópumálin væru nokkuð í deiglunni núna en hún taldi það af og frá, ungt fólk væri að spyrja um þetta og þau sem miðaldra væru hefðu ekki leyfi til að taka valkosti af ungu fólki í þeim efnum. Óttarr Proppé horfir fram á eilítið minna fylgi en í kosningum 2013 en segir Bjarta framtíð hafa verið að braggast að undanförnu. Hann segir athyglisvert að sjá í þróun sem er að hefðbundnu flokkarnir séu að gefa eftir. Hann segir það sögulegt og ljóst að kominn sé holur hljómur í gömlu kosningaloforðarulluna. Mikill vilji sé til breytinga. Rósa Björk var virkilega ánægð fyrir hönd VG, sem var að bæta við sig fjórum prósentum frá í kosningum. Rósa segir þetta þýða að fólk treysti þeim til góðra verka.Sjá má kjördæmaþáttinn í heild sinni í spilaranum að neðan.
Kosningar 2016 X16 Suðvestur Tengdar fréttir Sjálfstæðismenn fengju fimm þingmenn í Suðvesturkjördæmi og Framsókn tapar tveimur Sjálfstæðisflokkurinn fengi fimm af þrettán þingmönnum Suðvesturkjördæmis ef kosið yrði nú samkvæmt könnun fréttastofu 365. 20. október 2016 19:20 Mest lesið Möguleg slit á fríverslunarsamningi við Ísrael tekin fyrir Innlent Þyrlan kölluð út á mesta forgangi Innlent Einn fluttur á Landspítalann frá Fjallabaki Innlent Ákærðir fyrir hópnauðgun gegn ólögráða stúlku Innlent Aðsetur ríkisstjórnarinnar logar eftir árásir næturinnar Erlent Vilja skylda samskiptaforrit til að skanna einkaskilaboð fólks Erlent Hringveginum lokað vegna umferðarslyss Innlent Labubu bangsar ekki lengur velkomnir í Ísaksskóla Innlent Hótar að beita stríðsmálaráðuneytinu: „Chipocalypse Now“ Erlent Rafmagnsflugvél reynd í áætlunarflugi í Noregi Erlent Fleiri fréttir Gleði og samvera í 60 plús leikfimi á Selfossi Syrgja fallið kornabarn: „Það er ekkert plan, engin lausn“ Engin slys á fólki þegar hjólhýsi valt Syrgja fallið kornabarn og fyrsti þúsaldardýrlingurinn Einn fluttur á Landspítalann frá Fjallabaki Kröftug mótmæli brjóti ekki gegn málfrelsi Hringveginum lokað vegna umferðarslyss Þyrlan kölluð út á mesta forgangi Jákvæð gagnvart nýrri atvinnustefnu Frábær og vel heppnuð Ljósanótt Möguleg slit á fríverslunarsamningi við Ísrael tekin fyrir Skoða að rifta fríverslunarsamningi við Ísrael Labubu bangsar ekki lengur velkomnir í Ísaksskóla Fangageymslur fullar eftir erilsama nótt Aðgerðir vegna Gasa, málfrelsi á Íslandi og ný atvinnustefna Ákærðir vegna fölsuðu taflanna tuttugu þúsund „Vona bara að hún grípi til raunverulegra aðgerða sem bíta“ Korn ræktað á um fjögur þúsund hekturum Veltir fyrir sér hvort íslensk íþróttafélög verði af milljörðum Handtekinn undir áhrifum með tvö börn í bílnum Fjölmenn mótmæli og skortur á íslenskukunnáttu þrátt fyrir doktorsnám Ákærðir fyrir hópnauðgun gegn ólögráða stúlku Gullkistan opnuð á Vestfjörðum Sóttu slasaðan ökumann við Surtshelli Gríðarlegur fjöldi á mótmælunum Þjóð gegn þjóðarmorði Tæpir sextíu þúsund fermetrar í eigu ríkisins standa tómir Kennir íslensku en fær ekki ríkisborgararétt að óbreyttu Tvöföldun erlendra fanga á fimm árum: „Þetta er auðvitað gríðarlega hátt hlutfall“ Nöfn myrtra barna verða lesin upp í sjö klukkustundir Eygir vonarneista í fyrsta sinn í marga mánuði Sjá meira
Sjálfstæðismenn fengju fimm þingmenn í Suðvesturkjördæmi og Framsókn tapar tveimur Sjálfstæðisflokkurinn fengi fimm af þrettán þingmönnum Suðvesturkjördæmis ef kosið yrði nú samkvæmt könnun fréttastofu 365. 20. október 2016 19:20